سلێمانی 8 شوبات/فێبرایەر (ئاكانیوز)- لە كڵێسایەكی كۆن ومێژووییی شاری (ئەپلدۆرن (Apeldoornی هۆڵەندا، ئەمڕۆ سێشەم بەبەشداریی چەند گرووپێكی هونەریی وڵاتانی (رووسیا، ئەرجەنتین، بەڕازیل، سووریا، پۆڵەندا و جۆرجیا)، گرووپی شانۆی بێ سنوور بەهاوبەشیی یانەی میدیای كوردی لە هۆڵەندا، بەشداریی زەماوەندی (ماتن.. رەنگ و بۆن)یان كرد.
Beschrijving: balo soraniلەبارەی زەماوەندەكەی ئەمڕۆی ئەپلدۆرن، باكۆ سۆرانی بەرپرسی تیپی شانۆی بێ سنوور لە هۆڵەنداوە بەپەیامنێری ئاژانسی كوردستان بۆ دەنگوباس (ئاكانیوز)ی راگەیاند، ئەمڕۆ لە كڵێسایەكی كۆن و مێژووییی بەناوبانگی هۆڵەندا، بەئامادەبوونی زیاتر لە 1500 هاوڵاتیی ئەو وڵاتە، زەماوەندی (ماتن.. رەنگ و بۆن) هاتە سازكردن، ئێمەش وەك تیپی شانۆی بێ سنوور بەهاوبەشیی یانەی میدیای كوردی و بەختیار بەكر سەرۆكی یانەكە، لەگەڵ چەندان گرووپی وڵاتانی تر بەشداریمان كرد.
سۆرانی زیاتری گوت مەبەستی ئەم زەماوەندە دروستكردنی پردێكی كولتوورییە لە نێوان كولتوورە جیاوازەكانی ئەو وڵاتانەی بەشداریی ئەم زەماوەندەیان كردووە، ئێمەش بەپێشاندانی شانۆیییەكی كولتووریی كوردی بەشداریمان كرد.
لەبارەی شانۆیییەكەشەوە ئەو دەرهێنەرە كوردە گوتی بەشانۆیی (ئەنكیدۆ) بەشداریمان كردووە، ئەم شانۆیییە باس لە ئەنكیدۆ دەكات كە گەشتێك دەكا لە رۆهەڵاتەوە بۆ رۆئاوا، ئەنكیدۆ لەو شانۆیییەدا دەگەڕێ بەدوای پێناسێكی تازەی پێوەندیی مرۆڤایەتی لە نێوان مرۆڤە زمان و رەگەزە جیاوازەكانی سەر زەویدا.
Beschrijving: balo soraniئەوەشی گوت شانۆیییەكەمان لە هەندێك داستانی كوردیی وەك (مەم و زین) و شیعرە كلاسیكییەكانی نالی ئامادە كردبوو و كەشێكی كوردی درووست كردبوو بۆ ناساندنی كولتووری كوردی بەو بینەرە كولتوور جیاوازانەی كە لە زەماوەندەكە ئامادە بوون.
شیاوی باسە شانۆیی (ئەنكیدۆ)ی ئەم دەرهێنەرە كوردە جێگەی رەزامەندی و خۆشحاڵیی بینەران و هاوكات ئەو هونەرمەندانەش بوو كە لەم زەماوەندەدا بەشدار بوون و رایان گەیاندووە كە لە رێگەی ئەو شانۆیییەوە لە كولتوور و هونەریی كوردی گەیشتوون.
شانۆگەریی (ئەنكیدۆ) بەرهەمی تیپی شانۆی بێ سنوورە لە هۆڵەندا و ئامادەكردنی باكۆ سۆرانی و موزیكی لەلایەن (حەمە بەكر) دانراوە، نمایشكردنی رۆڵەكانیش لەلایەن هەریەك لە (زاگرۆس جەبار، هاوژین بەختیار، ئێڤجیە ڤان در چۆتefje van der schoot ، ئەنەكاترین كڵۆمپAnnekaterin klomp ستیڤان هیدما Stefan hidma .بەرجەستە كراوە.
لە كامەران سوبحان، ن: وشیار ئەحمەد
