سیروان جه‌مال، ناسراو به سیروانی كه‌شكۆڵ، ئێستا له هۆڵه‌ندا له‌گه‌ڵ تیپێكی به‌ناوبانگی هۆڵه‌ندیدا، به‌ناوی تیپی دره‌نگ Theatergroep Drang، سه‌رقاڵی رۆڵ بینینه له شانۆگه‌رییه‌ك به‌ناوی (ماكمادۆف)، ئه‌م شانۆگه‌رییه له‌بازاڕێكی گه‌وره‌ی نزیك په‌رله‌مانی ئه‌و وڵاته پێشكه‌شده‌كرێت، له‌نوسینی: شانۆنووس و ده‌رهێنه‌ری ناسراوی هۆڵه‌ندی (تۆن ته‌یۆ سمیپ). هه‌روه‌ها خانمه ئه‌کته‌ر و ده‌رهێنه‌ری ناسراوی هۆڵه‌ندی (لوسیانا ڤان ئامسفۆرت) وه‌كو ده‌رهێنه‌ر كاری تێداكردووه.
ئه‌م شانۆیه، موتوربه‌کراوی درامای (ماکبپ)ی ولیم شکسپیره، كه تیایدا هه‌ره‌سپێهێنانی یاری هه‌ره‌می و وه‌ستای ساخته‌کاری (مادۆف)ی ئه‌مه‌ریکییه، هه‌ر له‌به‌رئه‌وه‌شه شانۆییه‌که ناوی (ماکمادۆف)ه.
شانۆییه‌که، باس له‌چاوچنۆکی و برسێتی ئه‌کات، که هۆکاربوون بۆ ئه‌و قه‌یرانه داراییه‌ی ئه‌مڕۆ له‌جیهاندا له‌ئارادایه، ماکمادۆف باس له شانشینی بانکه‌کان ده‌کات، که له پاره‌و هێز پێکهاتوون و ده‌سه‌ڵاتدارانی ئه‌مڕۆ (سه‌رمایه‌داره‌کانی بانک).. بازرگانه‌کانی بۆرسه به مستێکی پۆڵایین ژیانی ئه‌وانه‌ی ژێرده‌ستیان کۆنترۆڵ کردووه، تاکو ئه‌و ساته‌ی قه‌یرانی دارایی بنچینه‌ی مه‌مله‌که‌ته‌که ئه‌وروژێنێت.
ئه‌م شانۆگه‌رییه سیانزه دیمه‌نه، به‌شێوه‌یه‌کی گاڵته‌جاڕیی، به‌ڵام تاکو بڵێی خوێناوی نمایش ده‌كرێت، تاکو ده‌گاته ئه‌و ئاسته‌ی خه‌ڵکه‌که نامرۆییانه ره‌فتارده‌که‌ن بۆ شکاندنی برسێتییان.
له‌م به‌رهه‌مه تازه‌یه‌ی تیپی شانۆیی (دره‌نگ)، هونه‌رمه‌ند (سیروان جه‌مال) که یه‌کێکه له ئه‌کته‌ره‌کانی ئه‌م تیپه، رۆڵی یه‌کێک له‌کاراکته‌ره سه‌ره‌کییه‌کانی ئه‌م شانۆییه ده‌بینێت.
پێشتریش، سیروان جه‌مال به‌شداری له چوار شانۆگه‌ریی دیكه‌دا كردبوو له هۆڵه‌ندا، له‌گه‌ڵ کاری نواندندا، کاری دیزاینی دیکۆریش بۆ ئه‌م تیپه ده‌کات.
له‌م شانۆگه‌رییه‌دا که ماوه‌ی مانگێکه پێشکه‌شده‌کرێت، له ڕۆژی 26-10-2011 تا 27-11-2011 به‌رده‌وام ده‌بێت له‌م ئه‌درێسه‌ی خواره‌وه:
De Haagsche Bluf
Haagsche Bluf 43
2511 CN Den Haag
Bereikbaar via
tram 17 halte Gravenstraat
Randstadrail 3 en 4,
tram 2 en 6 halte Grote Markt
Parkeren kunt u in onderstaande parkeergarages:
Stadhuis, spui 70
Torengarage, Geest 1
Markthof, Gedempte gracht 605
کۆمه‌ڵێک ئه‌کته‌ری ناسراوی هۆڵه‌ندی رۆڵی تێدا ده‌بینن له‌وانه:
ئێسخۆ هێڵ
یۆشیه براو
ڕێمکۆ مێلس
ڤیم مێوس
سیزانه ته‌یخڵ بێرخ
سیروان جه‌مال فه‌ره‌ج
تایهۆ پڵۆیار
ئێرس ڤان ڕۆی
کریستیڵ کیورن دی یۆنگ
پیته‌ر نێڵ بۆڵ مان
مارتن ڤان دێر مایدن
یان ئۆسکار ڤان دێر خرێفت
یاریده‌ده‌ری ده‌رهێنه‌ر
Marjet Moorman
تکایه بڕوانه ئه‌م دوو لینکه به زنیاری زیاتر کوردی و هۆڵه‌ندی:
http://www.xendan.org/dreja.aspx?=hewal&jmara=33097&Jor=18
http://drang.nl/producties/1852/save-the-date-macmadoff/
