وا مه‌زانن من بێ کارم ده‌نکه ته‌زبیح ده‌ژمێرم
یا حسابی سه‌رمایه و قه‌رز له‌یه‌کتری بهاوێرم
من پێشمه‌رگه‌ی دوێنێ ی گه‌لم بۆ بژێوی ئه‌مڕۆ
ته‌زبیح فرۆشی سه‌ربه‌رزم پیشه‌وه‌ری ده‌سگێڕم
وێنه‌گری بیر و ده‌سڕه‌نگین مامۆستا فازیل شه‌وڕۆ له‌فێیسبووک بڵاوی کرده‌وه زۆر هه‌ستمه‌ندانه نوسیبووی: چه‌ند حه‌زم ده‌کرد ، له‌جیاتی سه‌ر ئه‌م کۆسپه ، له‌سه‌ر کورسی فرۆکه‌وانی دانیشت بای ، له‌کارگه‌ی سۆفت یوێر وه‌ستا بویتایه و له‌وێرکشۆپی ده‌رمانسازی عیلاجێکت بۆ شێرپه‌نجه‌داره‌کان ده‌دۆزیه‌وه ،،، یان هه‌ر نه‌بوایه سائیقی شۆڤڵێک ده‌بوویت و ڕێگاکانت بۆ خۆشده‌کردین ،،، ئه‌رێ کێ به‌رپرسه .. من تۆ یان هه‌موومان ؟
کۆمێنتاری منیش ئه‌وه‌بوو : هه‌مزه‌ی عه‌زه‌گچکه‌لی .. مامۆستاگیان به‌شێکی سه‌روسه‌ربرده‌ی کاکه هه‌مزه لای منه ، له‌خانه‌واده‌یه‌کی هه‌ژار گه‌وره‌بووه ، ڕۆڵی سه‌ره‌کی هه‌بوو له‌ڕاپه‌ڕینه‌کانی به‌هاری ساڵی 1982 له‌شاری کۆیه به‌ڕۆژ هانده‌ر و بانگده‌ری ڕاپه‌ڕین به‌شه‌ویش ڕێنوانی هێنانی پێشمه‌رگه بۆ ناوشار . تابڵێ ی که‌سێکی ئازا و له‌خۆبردووی ساده به‌ڵام زۆر دڵساف و ساویلکه‌ی سیاسی وه‌ک له‌وێنه‌که‌شدا ده‌ر‌ده‌که‌وێ . له‌ڕێگای ئه‌م کاکه هه‌مزه ته‌زبیح فرۆشه‌ی ئه‌مڕۆ من په‌یوه‌ندیم به‌ڕێکخستنه‌وه کرد ، ده‌روازه‌یه‌کی خه‌باتی بۆ خۆم و نزیکه‌ی هه‌شتا گه‌نجی شاره‌که کرده‌وه له‌ناویاندا هه‌ڵکه‌وته‌ی سیاسی و پله‌به‌رزی وه‌ک مدیرعامی وه‌زاره‌تیشی تێدایه . له‌به‌ر ئاشکرایی و ده‌رکه‌وته‌یی ئه‌و من لێ ی دوورکه‌وتمه‌وه به‌نیازی پاراستن و نهێنی مانه‌وه‌ی ڕێکخستنه‌کان به‌ڵام تا ئێستاش من هه‌ر سوپاسگوزاری کاکه هه‌مزه‌م به‌چاوی ڕێزه‌وه لێ ی ده‌ڕوانم . شایه‌ده‌کانی ڕاستی خه‌باتی کاکه هه‌مزه زۆرن له‌وانه کاک ڕه‌هبه‌ری سه‌ید برایمی ، ڕه‌فیقی عه‌وڵا مه‌رگه‌یی ، شۆڕش حاجی ، ڕه‌فیق محه‌مه‌د ، دلشادی مه‌لا عه‌لی و چه‌ندانی تریش… جا مامۆستا گیان له‌وه‌یه ئه‌و سه‌رده‌م ماوه‌ی نه‌دابێ کاکه هه‌مزه بخوێنێ و ببێته یه‌کێک له‌و پسپۆڕانه‌ی ناوت نوسیون به‌ڵام له‌سه‌رده‌می خه‌باتی سه‌ختی هه‌شتاکان کاکه هه‌مزه پێشڕه‌وی خه‌ڵکانێکی زۆری له‌ئێمه به‌تواناتری کردووه به‌رهه‌می زۆری کاره‌کانی هه‌یه به‌ڵام خۆی به‌ره‌که‌ی نه‌خواردیه ! وا ده‌یبینی کڵۆڵ کڵۆڵ لافاوی ژیان ده‌یه‌وێ نوقمی بکا ئه‌ویش خۆی شلکردووه بیبا به‌س نه‌خنکێ . پێموایه هه‌ردنکێکی ته‌زبیحی ده‌ستی که‌رسته‌ی چه‌ندین ساتیره و هۆنراوه و ڕۆمانه دیکۆمێنته !
مامۆستا فازیل جارێکی تر ده‌نوسێته‌وه: سوپاس کاکه تاقانه… به‌ڕاستی من هیچ ئه‌و زانیاریانه‌م نه‌بووه ،،، قسه‌کانت کۆپیده‌که‌م و ده‌یده‌م به‌خۆی و هێندێ له‌و براده‌رانه‌ی که ناوت هێناون ،، ئه‌و ئێستا باری گوزه‌رانی زۆر خراپه .. دیسان سوپاس که تۆ له‌و په‌ڕی دونیاوه خه‌مخۆری ئه‌وانه‌ی.. هه‌ر بژی .
کاک جوبرائیل عه‌لی نوسی: مامۆستاگیان كاریكی یه‌كجارپیرۆز ده‌كه‌ی ئه‌گه‌ر ڕابردووی ئه‌م قاره‌مانه به‌بیر به‌رپرسه‌كان بینیه‌وه به‌ڵام من ده‌پرسم ده‌بی ئه‌و پیاوه حیرسی به‌رزه یان تا ئیستا ئه‌و به‌رپرسانه له‌هیچ شوێنیك چاویان پێ نه‌كه‌وتووه؟؟؟؟؟؟؟؟؟
