ن: بــه‌ڵگه کــامل : ماوه‌یه‌ك به‌رله ئێستا هونه‌رمه‌ند زیاد ئه‌سعه‌د دڵی جه‌ماوه‌رو هه‌وادارانی خۆی شاد کرد به‌وه‌ی سه‌رقاڵی به‌رهه‌مێکی نوێیه‌و کاره‌کانی قۆناغێکی باشیان بڕیووه
بۆ ئه‌م مه‌به‌سته‌ش له ڕۆژی شه‌ممه 9 ی تشرینی یه‌که‌م 2010 له هۆتیل چوارچرا له هه‌ولێر، حه‌سه‌ن غه‌فور نوێنه‌ری هه‌ردوو كۆمپانیای بلو پرۆده‌كشه‌ن و میڤژن رایگه‌یاند كه ئه‌و دوو كۆمپانیاییه ئه‌ركی چاپ و بڵاوكردنه‌وه‌ی ئه‌لبوومی نوێی زیاد ئه‌سعه‌د گرتۆته ئه‌ستۆی خۆیان و به‌رێوه‌به‌ری کاره‌کانی هونه‌رمه‌ند راسته‌وخۆ له ڕێگای ته‌له‌فۆنه‌وه له‌سه‌ر زمانی زیاد ئه‌سعه‌د هه‌واڵه‌که‌ی پشت ڕاست کرده‌وه..ئه‌وه‌ی جێگای دڵ ته‌نگی هه‌وادارانی هونه‌رمه‌ند زیاد ئه‌سعه‌د ئه‌وه ماوه‌یه‌کی زۆر به‌سه‌ر ئه‌م هه‌واڵه تێپه‌ری به‌ڵام نه به راسته‌وخۆ و نه به ناراسته‌وخۆ هیچ ده‌نگۆیه‌کی بڵاو کردنه‌وه‌ی ئه‌م ئه‌لبوومه نه‌بیسترا رۆژ به رۆژیش جه‌ماوه‌ر چاوه‌ڕیی ڕۆژی بلاوکردنه‌وه‌که‌ن بۆیه جه‌ماوه‌ر و ئێمه‌ش مافی خۆمانه بپرسین ئه‌م به‌رهه‌مه که‌ی رۆژی له دایك بوونی ده‌بیستین!!. ئایا هیچ ئاسته‌نگ و گرفتێکی وه‌ها گه‌وره هه‌یه تاکو بۆ ئه‌م ماوه‌یه زۆره دوابکه‌وێ..!!
وه‌ك بیستمان چه‌ندین که‌س و لایه‌نی پرۆفیشناڵ به‌ژدارن له بڵآوکردنه‌وه‌ی ئه‌م به‌رهه‌مه، ئه‌ی ئه‌م هه‌موو تاخیر بوونه بۆچی ؟؟ له‌م ماوه‌یه له گۆڤاریێك هونه‌رمه‌ندێکی نزیک له زیاد ئه‌سعه‌د باسی ئه‌وه ده‌کات ئه‌گه‌ر ئه‌م ئه‌لبوومه‌ی هونه‌رمه‌ند زیاد ئه‌سعه‌د بڵاوبکرێته‌وه ده‌بێ ئێمه‌ی هونه‌رمه‌ند شه‌رم بکه‌ین بڵێین هونه‌رمه‌ندین بۆیه زۆرێك له جه‌ماوه‌ری زیاد ئه‌سعه‌د له‌گه‌ڵ بڵاوبوونه‌وه‌ی ئه‌م قسه‌یه زیاتر و به په‌رۆشه‌وه چاوه‌ڕوانی رۆژی بڵاوبونه‌وه‌ن بۆیه هیوادارم ئیتر هونه‌رمه‌ند زیاد ئه‌سعه‌د چیتر دڵی جه‌ماوره به‌رفراوانه‌که‌ی له خۆی ته‌نگ نه‌کات و به‌زوترین کات ئه‌لبومه‌که‌ی بڵاو بکاته‌وه که بۆ ماوه‌ی نزیکه‌ی هه‌شت ساڵ ده‌بێت هیچ ئه‌لبوومێکی بڵاونه‌کردۆته‌وه
