سه‌فه‌ر مه‌که‌

سه‌فه‌رێ بۆ وڵاتی سه‌فه‌ر

ئاوا بونی خۆر و

مردنی ئاسمان و

وه‌رینی گه‌ڵاکانی پایز

مه‌که

سه‌فه‌رێ بۆ نیشتیمانی گریانی ده‌ریا و

فڕینی باڵنده‌و

ڕژانی ئه‌ستێره

مه‌که‌ ‌‌

سه‌فه‌ر مه‌که‌ له‌ دوای تۆ

ئه‌بێ

له‌گه‌ڵ سیسی گوڵ و

فرمێسکی شه‌و و

تنۆکی چاو بدوێم

سه‌فه‌ر مه‌که‌ له‌ دوای تۆ

ئه‌بێ

له‌سه‌ر لاپه‌ڕه‌ی کتێب و

به‌رگی ده‌فته‌ر و

ڕسته‌ی دڵم بنوسم

له‌ کوێی تا منیش بێم ؟

ده‌ سه‌فه‌ر مه‌که‌

تا دڵی من نه‌چێژێ ئاهێکی سه‌رابستانی

تا هه‌ناسه‌م هه‌ڵی نه‌مژێ حه‌سره‌تی چاوه‌ڕوانی

ئه‌زانی که‌ سه‌فه‌ر ئه‌که‌ی هه‌رچی حه‌رشی خوا هه‌یه‌ ئه‌هه‌ژێ

هه‌رچی ئایه‌تی قوڕئان هه‌یه‌ به‌دوای تۆدا

یه‌ک یه‌ک ئه‌سوتێ ؟؟؟؟

هاوڕێ ڕه‌ش

19.6.2011