شاری شاران ڕازاوه‌یه
تابڵێی دڵ کراوه‌یه
گوڵی جوانی به‌لاوه‌یه
ڕازاوه‌یه سلێمانی
…….
خۆشه‌به‌زمی ئێوارانی
کانیو ئاوی کانێسکانی
هه‌ڵپه‌ڕکێی سه‌رچنارانی
مه‌ی نۆشینی ده‌باشانی
ئاوه‌دانبێ سلێمانی
…….
خه‌ڵکی شارن قاره‌مانن
دوانزه سواره‌ی مه‌ریوانن
وه‌کوو هه‌ڵۆی سه‌ر کێوانن
ڕۆڵه‌ی میرانی بابانن
ڕازاوه‌یه سلێمانی
…….
چی بنوسم بۆ ئه‌و شاره
پێشکه‌شی که‌م ئه‌م به‌هاره
دڵ بۆ ئه‌زمه‌ڕبێ قه‌راره
هه‌رشاری شارانه شاره
ئاوه‌دانبێ سلێمانی
…….
هه‌موو وره‌زێک شارم جوانه
کیژی شارم شای جوانانه
ڕۆحی شیعر بۆی قوربانه
ئاوابێت شاری بابانه
ڕازاوه‌یه سلێمانی
ئاوه‌دانبێ سلێمانی
…….
ڕێباز عوسمان عزیز
ستۆکهۆڵم
