ژووره‌که‌م ڕه‌ش داگه‌ڕاوه وه‌ك هه‌ناوی هه‌موو ساڵی
له کوچه‌ی دڵما گریانه و سه‌فایه له هه‌موو مــــاڵـــــێ
لقێکی تر له ته‌مه‌نم شکا به بــــــــای نامـــــــــورادی
ژیان هه‌ر زۆر بێڕه‌حمانه دوا گه‌ڵای وه‌ران وبردی
مۆمێکی تر کوژایه‌وه به هه‌ناسه‌ی ڕه‌شــــــی ژیـــان
باخی سه‌وزی هیوایه تر که‌وته به‌ر شه‌راره‌ی سووتان
ماچێکی تر که‌وته خوار و ماڵئاوایی له لێــــــوم کــــرد
کۆڵی له عه‌شق پڕ کرد و پێارسکه‌یه نهێنــــی بـــــــــرد
ســاڵێک ڕه‌شتر له نیشتمان ساڵێک پر گله‌یی هــــــــه‌نار
ســـاڵێک سه‌رخۆش به ته‌نهایی و یاخی له ووڵاتی به‌‌هار
ســـاڵێک چڕ له بێتاقه‌تی و کوژراوی ده‌ست چاوه‌ڕوانی
ســــاڵێک به لێوما تێپه‌ری و پێکه‌نینیش هه‌ر نـــــه‌یزانی
ســــاڵێك پڕ نێرگسی ئه‌شك ساڵێك چه‌قیو له قوڕی مه‌رگ
ســــــاڵێك پڕ له گوڵ کوشتن وخه‌ڵتانی ئاسه‌واری جه‌نگ
ســـاڵێک پر وه‌نه‌وزی پیری خه‌ون و دیده‌ی هه‌ڵوه‌رانــــم
هێشتا من بۆ مه‌رگی ده‌گریم بۆ دوا چرکه‌ی هه‌راســـــانم
ئیتر شایی چی بگێڕم مۆمی چی بۆ بســـــــــووتێنــــــــم
پشکۆی ژیان هه‌ر ده‌گڕێ و منی سووتوش جێ ده‌مێنـــــم
عومه‌ری حاجی ده‌ربه‌نی
زستانی 2009 ده‌ربه‌ن
