دوای سه‌رکه‌وتنێکی گه‌وره‌ی فیستیڤالی نێوده‌وله‌تی میوزیکستان له شاری بێرمینگهامی ووڵاتی ئینگلترا که له‌لایه‌ن( زیره‌ک ژێدار) وه‌ک هونه‌رمه‌ندێکی کورد رێکخرابوو. له مانگی سپتێمبه‌ری
ئه‌و سال ده‌ستی کرده‌وه به نمایشه ئاساییه‌کانی خۆی که دوو نمایش له مانگێکدا بۆ دوو هونه‌رمه‌ندی جیهانی رێک ده‌خات!( تارا جاف) وه‌ک هونه‌رمه‌ندێکی کوردی جیهانی له رێکه‌وتی 4/10/2012 میوانی میوزیکستان ده‌بێت له کاتژمێر 7ی ئێواره تاوه‌کو 10 شه‌و به‌رده‌وام ده‌بێت. تارا خان به ئامێری چه‌نگ و ده‌نگی ره‌سه‌نی کورده‌واری چه‌ندین گۆرانی کوردی به زاراوه‌ی جیاواز پێشکه‌ش ده‌کات! شایه‌نی ئاماژه‌یه هه‌ر له‌هه‌مان کاتدا خانمه هونه‌رمه‌ندێکی ئینگلیز به‌ناوی ( جوێل بارکه‌ر) شان به‌شانی زیره‌ک ژێدار به چه‌ندین ئامێری ریتمی رۆژهه‌لاتی و ئیسپانی به‌ژداری ئێواره کۆنسیرته‌که ده‌کات!
ئامانجی ئێواره کۆنسێرتی میوزیکستان تێکهه‌لکێش کردن و ناساندنی شێوازه جیاوازه‌کانی میوزیک و گۆرانیه به گه‌لانی دونیادا. میوزیکی کوردیش له میوزیکستاندا به‌رده‌وام بۆته خالی هه‌لوه‌سته‌و گرنگی پێدان له‌لایه‌ن هونه‌رمه‌ندان و ئاماده‌بوانه‌وه.
