دیدار

له‌نێوان من و تۆدا

دوو قاوه‌ی تاڵ و

ڕۆژنامه‌یه‌كی فه‌رامۆش كراو

ئه‌ته‌وێ په‌نجه‌یه‌كت له‌مشتما جێ بهێڵیت

به‌موگناتیسی تێڕوانین

جووڵه‌ی لێوه‌كانت بگه‌یه‌نیته .. زاكیره‌ی په‌رتوبڵاوم

….

له‌نێوان من و تۆدا

بایه‌كی سارد .. عاتیفه ناگه‌یه‌نێت

له‌فه‌زای نێوانماندا

ده‌نگت ئه‌شكێ و

ووشه‌كانت ئه‌وه‌رێنه ته‌پڵه‌ی جگه‌ره‌وه

ته‌نها بۆنی كراسه‌كه‌ت ..

پاییز دێنێته وجودمه‌وه و

پاشماوه‌ی ئازار له‌سه‌رما جێئه‌هێڵێت

به حه‌جمی سه‌رسوڕمان .. و

هه‌نگاوه بێده‌نگه‌كانی رووناكی

وونم ئه‌كه‌ی له‌خۆتا و

له‌ت و په‌ت به‌سه‌ر ئه‌سفه‌لتی نائومێدیا

،،،،،،،،

بائه‌م دیداره بپێچینه‌وه بۆ نیشتمانی داهاتوو

تائه‌وكاته‌ی سێبه‌ری دڵه‌ڕاوكێمان

له‌سه‌ر ده‌سماڵی رۆژگار ….

……… كۆمانئه‌كاته‌وه

١٧-٠٨-٢٠١١