کۆمپانیای واید مەنجمێنتی فەڕەنسی ڕایگەیاند فیلمی سینەمایی “دڵی سور” لە دەرهێنانی هەڵکەوت مستەفا لە پانۆرامای فیلمە ئەوروپیەکاندا لە قایرە نمایش دەکرێت۰
پانۆرامایی فیلمە ئەوروپیەکان بۆ یەکەمین جار لە 1972 بە سەرپەرشتی هونەرمەندی ناوداری میسر “یوسف شاهین” دامەزرا و ساڵانە بە دەیان فیلمی ئەوروپی هەڵدەبژێرێت تاکو لە شاری قاهیرە نمایشیان بکات۰
بڕیارە دەرهێنەر هەڵکەوت مستەفا 4 ئۆکتۆبەر لە هەرێمی کوردستانەوە بگاتە شاری قاهیرەی میسر بۆ ئامادەبوون لە نمایشکردنی فیلمەکە کە بڕیارە هەر هەمان ڕۆژ کۆنگرەیەکی ڕۆژنامەوانی بۆ ساز بکرێت۰
دڵی سور پێشتر لە زیاتر بیست وڵاتی جیهان نمایش کراوە و لە ئێستاشدا لە سینەماکانی فەڕەنسا نمایش دەکرێت کە لە لایەن کۆمپانیای واید مەنجمێنتی فەڕەنسی لەسەر ئاستی نێودەوڵەتی بڵاو دەکرێتەوە۰
لینکی فیستیڤاڵ
http://www.misrinternationalfilms.com/FilmList.aspx?SID=77&LangID=1
ڕێکلامی فیلمەکە
