دڵۆپه‌ی بسک

له‌سه‌ر سه‌کۆی هه‌یوانێ دا‌ گرێ که‌ز‌ی ده‌هۆنده‌وه‌

منی شه‌یدا جوانی ئه‌وم به‌وشه‌ شیعر ده‌خوێنده‌وه

هه‌ر داوێکی بسکی ته‌ڕی به‌ڵگه‌وانی سرووشم بوو

سه‌دان خۆزگه‌ی حه‌زه‌کانم به‌و تاڵانه‌ شۆڕکرده‌وه‌

داڕژانه‌که‌ی ئه‌ستێره‌یی له‌شه‌و پرچی ده‌تکێته‌وه‌

دڵۆپێکی حه‌زخنکێنه‌ به‌سه‌ر سینه‌ی ده‌خولێته‌وه‌

لاسێبه‌ری ده‌‌رزی مه‌مه‌ی وێنه‌وشه‌ی چلۆن بکێشم

هێنده‌ ئاوێزانی جۆشه‌ بۆ قومێک سوێم ده‌بێته‌وه‌

شه‌رمه‌ڕوانیم تاوانباره‌ چیم ده‌وێ نانوسرێته‌وه‌

خه‌یاڵ شیعرم په‌رته‌وازه‌ سه‌روبه‌ندی ناگرێته‌وه‌

له‌کام‌ خاڵی ده‌ست پێ بکه‌م لاملی یا چه‌ناگه‌ی

له‌تاوانیش وازده‌هێنم حاری عه‌شقی بمگرێته‌وه

‌ده‌روێشێکی باوه‌ڕمه‌ندبووم ئێستا هه‌ڵده‌گه‌ڕێمه‌وه‌

منی تینوی کانی مه‌مان هه‌نگی وێڵم ده‌خولێمه‌وه

گوتی : نه‌که‌ی شێته ‌دڵۆپه‌ی بسک به‌سه‌ر مه‌مه‌م

گه‌ر بخنکێ ی له‌سوێیانی هه‌ر ناهێڵم بیخۆیته‌وه‌