هەتاسەر ئاوا دوورنابین
ڕۆژگارێک دێ هەر پێک بگەین
بەدوو ئەڵقەى پەنجەکانمان
ڕۆژێکى نوێ تۆمار بکەین
ڕاستە ئێستا ساتێک نیە
پۆلێک فرمێسک نەڕێژین
کەپێک گەیشتین بەیەک ماچێ
هەرچى ئازارە ئەینێژین
هەتا دووربین ئەم ئەوینەى
نێوانمان شیرنترئەبى
لانەى دڵمان بۆ کۆترى
عەشقمان بەرینترئەبى
نیگەران مەبە بەدوورى
لەدڵمانا گوڵێک ڕواوە
عەشقى ئێمە بە هاوشێوەى
خۆشەویستى ماسى وئاوە
بەم دووریە غەمبار مەبە
ئێمە هەمیشە یەک دڵین
وەک عەشقى گوڵ وپەپوولە
تینوى ماچ وشیلەى گوڵین
ئیتر کە ئێمە بەڕوح و بەجەستەش
هەر هەمان ناوبین
دوورى چیە کەهەمیشە
دوو هەناسەى یەک هەناوبین
گۆران دوکانى
