په‌ڕى باڵى…
گشت نیگاكانم كردوه ،
ئیتر نامه‌وێ بێن بۆلات
كچێك سنور بۆ خۆشه‌ویستیم دابنێ ،
وا ڕاهاتوم ….
چاومى بۆ ناكه‌م به‌وڵات !!.
****
_كێش و سه‌روا_
كه تۆ ئه‌ڵێى : بۆ سه‌یره‌كه‌ى ؟
من خێرا پێت ئه‌ڵێم هه‌روا
تۆ نازانى …
كه له‌چاوت ڕائه‌مێنم ،
بۆ كێشى شیعرێكى تازه‌م …
ڕاسته‌وخۆ ئه‌بى به سه‌روا !!.
****
_ ئاهه‌نگ_
كه‌بینیمیت هه‌ڵئه‌په‌ڕیت،
ئه‌وسا زانیم تۆى تاقانه …
چه‌نێك جوان و ئێسك سوكى
كه‌ده‌سته ناسكه‌كه‌تم گرت ،
وام هه‌ست ئه‌كرد …
ئاهه‌نگه‌كه هى خۆمانه‌و
منیش زاوام و تۆ بوكى!!.
****
_ گرێى دڵ _
دڵرِه‌قانه به‌جێتهێشتم ،
بۆیه وا له‌ناخى دڵما …
بویت به‌گرێ
دڵنیابه …
خۆشم گه‌ردنت ئازاكه‌م ،
خواى ئه‌م دڵه‌م لێت نابورێ و
هه‌رئه‌تگرێ!!.
