کارزان کۆیی: بەڕێوە بەری نوسیتی گۆڤاری ڕێچکە
بآ مجامەلەی ھیچ قەوارەیەک تا نەبێتە ریکڵام . بێ ھیوایی باڵی کێشاوە بەسەر دەرونی ھەموماندا و کەسێ نیە لەئێمە گەش بین بێت بەئایندەیەکی ڕون .
بەڵێنە سپیەکانی نێو ھەمبانەی لایەنەکان ھەر لەبازنەیەکی داخراودا بێ خاوەن مایەوە , تا بوە ڤاکتەرێکی کاراو میلەتی خستە سەر دوڕیانێکی تاریک تا بەو دەرئەنجامە ترسناکەی گەیاند کە زوویر بێت لەو حکومەتەی کە بەخوێنی خۆی دروستی کردووە . ئێستاش من دەڵێم بەر پرسانی ھەموو قەوارەکان , واز لە بەڵێنە سپیەکانی نێو ھەمبانەکانتان بێنن ، تاوانەو لەئەستۆی ئێوەدایە ئێوە بونەتە ھۆکارێ تا ئەم میلەت خۆشەویستی نیشتیمان و حکومەتی خۆی لەدەست بدات . بەڵێ ھەمومان دەزانین گرفتمان زۆرە وە ئەمەش بارێکی ئاساییە و عەیب نیە ، گرفت و شەرمەزاری و عەیبە لەوەدایە کە دەستە وەستان لەئاست گرفتەکاندا بوەستن وە نەتوان چارەسەرێکی بۆ بدۆزنەوە . ئیدی بەسە ناشرین کردن و ناو ناتۆرە لەیەک نان ،بڕۆن دەست بخەنە سەر برینەکان تا ئەوەندەی تر خوێنی لێ نەچۆڕێ . بۆنمونە وەک دەزانین حکومەتی ھەرێم بەدەست قەڵەویەوە دەناڵێت ئاستی قەڵەو بونەکەی ئەوەندە زۆر بوە کەبەزەحمەت جوڵەی بۆ دەکرێ , لەبەر ئەوەی لە ٧٠% بودجەکەی لەخۆیدا خەرج دەکات بۆ موچەی فەرمان بەران کەدەکاتە ٩ ترلیۆن زیاتر بێگومان ئەو لە ٣٠% دەمێنێتەوە بەشی ئاوەدان کردنەوەو پەرەپێدان ناکات بەدەر لە ناشەفافیەکان . وەک ھەموان دەزانین ھەمو وڵاتانی دنیا ھەوڵ ئەدەن حکومەتەکەیان رەشیق بێت و بەکەمترین خەرجی بەڕێوەی بەرن . جا بەڕێزان بانگەشەی زانستی و دروست رۆشنبیرانە ئەوەیە قەواریەک پڕۆژەیەکی ستراتیجی زانستی بەداتاوە پێش کەش بکات بۆ چارەسەی ئەم گرفتەو دەیان گرفتی تر . نەک ھەوڵ بدەین بەبێ ئەوەی ھیچ پڕۆژەیەکمان پێ بێت یەکتری بسرینەوە و بەشەڕە پەڕۆی دەستی مناڵان بمانەوێ سەرکەوتن بەدەست بێنین . لەکۆتاییدا دەڵێم کاندیدەکان ختوکەم بەبانگەشەکانی ھێندێ کتان دێت شەرم ناتان گرێت . تەریق نابنەوە , دەیان نوسین و چاوپێکەوتنم ئەنجام دا سەبارەت بە گرنگی بەرھەمی ناوخۆ بوژاندنەوەی ژێرخانی ئابوری ئەم ھەرێمە ,دەیان پێشنیارو سەدان کەمو کورتیم خستە ڕوو ھەزار جار ھاورارم کرد . کەسێکتان بە قەوارە کانیشتانەوە نەک ھەڵوێستێکتان نەبو بەڵک و گوێ و چاویشتان گرتو سەرتان نزم کرد .ئەی ئێستا خێرە لەم لەبانگەشەی ھەڵبژاردنا ھەموتان لێم بونەتە ( ئادەم سمیس )
awaolives@yahoo.com facebook/awaolives
