مەسعودی مەلا ھەمزە: ھونەرمەندی دەرھێنەر و فیلمساز تەنیا کەریم لە ئێستادا لەسەر جێگا کەوتووەو راپۆرتە پزیشکییەکانیش ئاماژە بەوە دەکەن پێویستی بە چارەسەری تەندروستی ھەیە لە دەرەوەی کوردستان.
لە لێدوانێکی تایبەتدا تەنیا کەریم گوتی”ماوەیەکە بەھۆی تووشبوونم بە نەخۆشی فەقەرات لەسەر جێگا کەوتووم و پێویستم بە چارەسەرە لە دەرەوەی کوردستان و لەتواناشمدا نییە بچمە دەرەوە بۆ چارەسەری پزیشکی”.
لە راپۆرتە پزیشکییەکاندا ھاتووە کە پێویستە بەزووترین کات تەنیا کەریم ببرێتە دەرەوە و چارەسەر بکرێ، لەبەرئەوەی ناتوانێ لەسەر جێگا بجووڵێ و لەماڵەوە کەوتووە.
شایانی باسە تەنیا کەریم ساڵانێکی زۆرە خەریکی کاری ھونەرییەو لەم رووەشەوە وەک دەرھێنەر چەندین کاری کردووە.
