له تۆدا
له تیله زوڵفێکی به لێو ماچکراوی
په‌رچه‌می تۆدا
فێر بووم
فاڵێکی له‌پی ده‌ست و
جادوویه‌کی
ڕژانی ئه‌شک
بنوسمه‌وه
فێر بووم
له ته‌ک غه‌مێکی بێده‌نگ و
له نزیک خوڕه‌ی میزی جۆگه‌له‌دا
سه‌ر بنێمه‌وه
له تۆدا
فێر بووم
بۆنی شه‌و و
تامی ڕۆژ و
تاڵی به‌یانی و
حه‌سره‌تی چاوه‌ڕوانی
به په‌یامێکی لماوی بۆ ده‌ریا بنێرم
له تۆدا فێر بووم
ناڵه‌ی سوتانی ڕۆح و
هاواری گریانی گوڵ و
ئازاری دڵێکی شکاو
به نامه‌یه‌کی ته‌له‌فۆن
به مردن بسپێرم
له تۆدا فێر بووم
خۆم له قه‌ره‌ی وه‌رینی گه‌ڵا و
له فه‌وتانی زه‌رده‌ی ئێواره بده‌م
له تۆدا فێر بووم
من نه‌بم تۆ بم
له پێش تۆوه مردنم بۆ خۆم له جاڕ بده‌م
……
هاوڕێ ڕه‌ش
7.7.2011
