كارۆخ مەلائەسعەد:تازەترین كاری گۆرانیبێژ تارا رەسول (ستایلی هاوس)ـە و لەگەڵ ئاوازدانەر ئارێۆس حەمە سەعید بەرهەمی هێناوە.
ئەو ئاماژە دەدات كە بە گوێرەی توانای خۆیان كاریان لەسەر ئەو ستایلە كردوە و هەوڵیان داوە بەرهەمێكی جوانی لێ دەربچێت.
گۆرانیبێژ تارا ڕەسوڵ بە ڕۆژنامەی “هەولێر” ڕادەگەێنێت، كە گۆرانییەكی نووێیان بەناوی قوربانی لەسەر ستایلی هاوس لەگەڵ ئاوازدانەر ئارێۆس حەمە سەعید بەرهەم هێناوە و هەر ئاریۆسیش دابەشكردنی میووزیكەكەی بۆ كردووە و ئیسماعیل محەممەدیش هۆنراوەكەی نووسیوە و بەپێی ئەزموون و توانایان كارەكەیان كورداندووە.
تارا گوتیشی: “هەمان گۆرانیم لە لایەن دەرهێنەر پێشەوا نەبەرد كراوە بە كلیپ و دلێر دلاوەریش كاری وێنەگرتنەكەی كردووە. هەروەها كۆمپانیای (ئێكس لیڤیڵ) سپۆنسەری كردووە.” ئاماژەیشیدا لە داهاتوویەكی نزیكدا ئەو كارە تازەیەی بڵاو دەبێتەوە، خواستیشیەتی بەرهەمێكی جوانی بەرهەم هێنا بێت و بەدڵی هەوادارانی بێت.
