بەهۆی بارودۆخی ئاڵۆزی کوردستان و بەهەستکردنیان بەمەترسی دووبارەبونەوەی کێشەو ململانێی سیاسی و جارێکی تر تێكچونەوەی دۆخی ئارامی کوردستان، هونەرمەندان هەڵکەوت زاهیرو سیریل و ئالان لەبەرهەمێکدا پەیامێک ئاراستەی لایەنەسیاسیەکان و خەڵکی کوردستان دەکەن و داوای ئاشتی بۆ وڵات دەکەن، مەترسیەکان وەبیر خەڵکی وڵاتەکیان دەهێننەوە و زەرورەتی خۆشەویستی لەنێوان هاونیشتیمانیانی کوردستان دەخەنەڕوو.
ئەو بەرهەمەی کە وەک پەیامێک ئاراستەی سیاسیەکانی کوردکراوەو لەتێکستی ئالان عومەرو میلۆدی هەڵکەوت زاهیر و وتنی ئالان و سیرلە و کاری موسیکی لەوڵاتی تورکیا بۆ کراوە، بیری سیاسیەکانی دێنێتەوە، کە کوردستان ماندوی شەڕی خۆ کوژیەو هۆشدارییان دەداتێ، لەکاتی ململانێ سیاسیە ناوخۆییەکان، مەترسی دەروبەر لەیاد نەکەن.
وەک هەردوو ژنە هونەرمەند ئالان و سیریل رایانگەیاند هونەرمەند هەڵکەوت زاهیر توانیویەتی ئاوازێکی شایەن و جوان بۆ ئەو بەرهەمە ئامادە بکات، لەهۆکاری بەشداریکردنی ئەو بەرهەمەو بەمیلۆدیکردنی ئەو تێکستە هونەرمەندی ئاواز دانەر هەڵکەوت زاهیر دەڵێت”بهڕای من بۆ چارەکردنی ههموو كێشهیهك دهكری ڕێگهی دیالۆگ ههڵبژێرین بەتایبەت بۆ کێشەکانی ناوخۆمان چونكه میللهتی كورد چهندین جار تووشی نهههماتی هاتووه و ناكرێ لهوه زیاتر هۆکاری سەرهەڵدان و بنیاتنەری ناخۆشی و ملاملانێی نادروست بین بۆ گەنجەکانمان، لەم وڵاتەدا هەموو ڕێگاکانی یەکتر رەتکردنەوە تاقی کرایەوە و جیا لەنەهامەتی بۆ وڵات هیچ بەرهەمێکی نەبوو ئیتر کاتی یهكتر خۆشویستنە و دەبێت هەموو ئاشی خواست و پهیاممان بێت دەبێت لەهەر کێشەیەک و بیرکردنەوە لەهەر هەوڵێکی یەکتر رەتکردنەوە ئاوڕێک لە رابردوویەکی نزیکی خۆمان بدەینەوە نەک دوور ئەوکات دەزانین یەکتر رەتکردنەوە چی نەهامەتیەکی کردە دیاری خەڵکی بەش مەینەتی کورد بۆیە ئاشتی و یەکتر خۆشویستن و یەکتر قبوڵکردن تاکە پێویستی و رێگای مەنتقی کارکردنە، بەڵام دەبێت ئێمە هۆکارەکانی دروستبونی ناڕەزاییەکانیش نەهێڵین هەتا دەرفەتی یەکتر رەتکردنەوەش دروست نەبێت دهبێت ههوڵی باش و بدرێت بۆ نههێشتی ئەو دیاردە دزێوو ناشرینانەی دەبێتە هۆی ناڕەزایی خەڵک و بێ ئینتیماکردنی تاک، دهبێت ههلی كار بڕەخسێنرێت بۆ گەنجان، هەوڵی زیاتری ئاوهدانی و خزمەتگوزاری بدرێت میللەتی ئێمە ماندووە شایەنی خزمەتکردنە شایەنی ژیانێکی پرلەئارامی و ئاشتی یە بۆیە ئەوەی دەنگ بۆ ئاشتەوایی و پێکەوە ژیان بەرز بکاتەوە من لەگەڵی دەبم و هاوکار دەبم بۆ ئەم بەرهەمەش دهست خۆشی بۆ خاتوو ئالان كه تێكستێكی زۆر جوان و پڕلە پەیامی ئاشتیانهی ئاراستهكردم بۆ دروست كردنی میلۆدییهك ناوەرۆکی تێکستەکەش لەگەڵ بۆچونەکانی من گونجاوه بۆیە بڕیاری هاوکاری و هاوبەشی بەرهەمەکەم دا بەدانانی میلۆدیەکەی دهست خۆشی خۆم بۆ ههردوو هونهمهند ئالان عمر و سریل خان بۆ ئهدا كردن و ماندووبونیان بەهیوام ئهم بهرههمه جێگای خۆی بگرێت و پەیامەکەی بگاتە ئەو کەسانەی پێوستە کار بۆ ئاشتی بکەن و جێی رەزامەندی بیسەرانی بێت”.
هونەرمەند ئالان عومەر کە تێکستی ئەو بەرهەمی نوسیوە، بەدهنگی خۆی و سیریل تۆماریان کردووە، لەسەر ناوەڕۆکی بەرهەمەکە دەڵێت” کاتێک لەناو خۆی کوردستان لەکێشەکان دەڕوانی ئەوەندەی کە لەدەرەوەی وڵات دەیبینی، هەست بەو مەترسیانە ناکەی، چونکە کاتێک لەکوردستانی بێ ئەوەی بتەوێ ئەکەویتە ناو ملاملانێکان و ناتوانی بێلایەنانە لەکێشەکان رامێنی، بۆیە کەمتریش دەتوانی هەست بەمەترسی بکەی، و ئەو هەست نەکردنەش کاریگەری بەسەر چۆنیەتی بیرکردنەوەو بڕیاردانت دەبێت، من کاتێک لە غوربەت و لەناو خەمی بێ وڵاتی لە وڵاتەکەم و ئەو دۆخەی ئێستای رادەمێنم، کاتێک گوێ لە بوچونی توندو بریندار کەری هەندێک سیاسی دەگرم، کاتێک توڕەیی خەڵکی شەقام دەبینم، بەهۆی کەموکوڕییەکان، کاتێک لایەنێک نابینم لەونێوانەدا خەریک بە باشترکردنی دۆخەکە بێت، هەست بەمەترسی دەکەم، چونکە وڵات ئێستا بووەتە دوو بەرە لەنێوان دوو بەرەش کە زمانی حیوار قبوڵ کراو یان وەک پێویست وەرنەگیراو بێت، بێ گومان بۆنی شەڕ دێت، بۆیە من لەگەڵ هاوڕایی و پشتیوانیم بۆ داخوازی رەوای خەڵکی خۆپیشاندەری کوردستان، هەوڵی نوسینی ئەو تێکستەم دا، کە لەناوەرۆکەکەیدا بیریان دەهێنمەوە بۆچی ئاشتی پێوسیتە، بۆچی دەبێ ئاشتی بکەین چی ئاشتی فەڕز دەکات لەسەرمان؟”.
ئالان زیاتر لەسەر ناوەڕۆکی بەرهەمەکە دەڵێت” لە ناوڕۆکی تێکستی بەرهەمەدا من بەهەموو لایەک دەڵێم، کوردستان وڵاتی دایکانی دڵسوتاوە، وڵاتێکی ماندوو وزە لێبڕاوە، بەهۆی ئەو هەموو شەڕەی بەدرێژایی دروستبونی ڕووبەڕوی بۆتەوە، پێویستی بە ئارامی هەیەو تەحەمولی شەڕێکی تری خۆ کوژی ناکات، من روو لە هەموو ئەوانەی دوێنێ شۆرشیان بۆ ڕزگاری ئەو وڵاتە دەکردو هاوخەباتی یەک بوون لەدژی یەک داگیر کەر و ئەمڕۆ خەریکە یەکتر ناخوێننەوە، هاوار دەکەم بۆچی؟ لەپێناوی چی؟ بیر لەوە ناکەنەوە کە ئێوە رۆڵەی یەک وڵاتن؟ هەمووتان وەک یەک خاوەنی ئەم وڵاتەن؟ بۆیە بەدڵ داوایان لێ دەکەم و بەهیوام لەگەڵ هاوڕێکانم کە بەشداری ئەو بەو بەرهەمەن، وەبیر خەڵکی ناڕەزای بهێنینەوە کە مافی خۆیانە ناڕازی بن و دەبێت گوێیان لێ بگیرێت، وە بیر دەسەڵات و لایەنە سیاسیەکانی بهێنینەوە کە خەریکی گرەوی سیاسین لەسەر مەزاجی ناڕازی خەڵک، کوردستان پێویستی بە خۆشەویستی هەیە ئەوەی زەرورە بەر لەهەر شتێک پێکەوە ژیان و ئاشتی یە. ئەو بەرهەمە بەتەنها بۆ سیاسیەکان نیە، بەڵکو بۆ هەر تاکێکە کە بیر لەوە ناکەتەوە بۆچی دەبێت بە هێمنی و قبوڵکردنی یەک لەگەڵ هاوڵاتییەکی بدوێ، بیریان دێنێتەوە لەنێوان ئەوو هاونیشتیمانیەکانی شتێک هەیە پێی دەڵێن نیشتیمان کە وەک دایکیانەو هەردووک رۆڵەی ئەون، ئەمانە لە خەیاڵی مندا ئەم تێکستەیان خولقاندوو بەسوپاسەوە هونەرمەندی خۆشەویست هەڵکەوت زاهیر ئاوازێکی زۆر جوانی بۆداناوەو خانمە هونەرمەندی ئازیز سیریل بەشدارە لەگەڵم و پێکەوە بەرهەمەکە دەڵێین بۆ وڵات و بۆ هاوڵاتیانمان”.
سیریل کە وەک خانمە هونەرمەندێک پێکەوە لەگەڵ ئالان عومەر ئەم بەرهەمەیان تۆمارکردووە دەڵێت”کاتێک هونەرمەند ئالان عومەر پەیوەندی پێوەکردم و داوای بەشداری ئەو کارەی کرد، سەرەتا وتم دەبێت تێکستی گۆرانیەکە بەر لەهەر قسەیەک ببینم، چونکە ئەوکەسانەی کە لەدەرەوەی وڵاتن، بەردەوام بە گرنگی لەبارودۆخی وڵات دەڕوانن و هیوا خوازن ئاشتی باڵ بەسەر وڵاتەکەدا بکێشێ، ئەوان لە خەمی بێ وڵاتی دەگەن بۆیە ئازار بە پێشنەکەوتنی کوردستان دەبینن، خەمەکانی خەڵکی وڵاتەکەیان خەمی ئەوانەو بەدڵ حەز دەکەن وڵاتەکەیان لەگەڵ بنیاتنانەوەو پێشکەوتنیدا ئارام بێت، من وەک خۆم دڵخۆش بووم کوردستان دۆخێکی ئارامی هەبوو، بەڵام نیگەران بووم بەوەش کە خەڵک رەخنەو گلەیی هەیەو گوێ بۆ داخوازیەکانیان وەک پێویست ناگیرێت، بۆیە مەبەستم نەبووەو نیە کار لە بەرهەمێک بکەم، کە لاگیری تێدا بێت بۆ هیچ لایەک، تەنها دەمەوێ کار لەبەرهەمێکدا بکەم خزمەت بە کوردستانیان و وڵاتەکەم بکات، کاتێک کە تێکستەکەم دیت خەمێکی قوڵیم لێ خوێندەوە کە مەترسی سەرهەڵدانەوەی کێ بەرکێ و توندوتیژییە لەکوردستان، ئەوە نەک هەر ئالان خەمی من و خەمی هەموو دڵسۆزێکی کوردستانە، کەتێگەشتم تێکستەکە لەگەڵ بڕوای من گونجاوە، لەخەمی وڵات و خەڵکی وڵاتدایە، بێ دوو دڵی بەشداریم تیا کرد و بەهیوام خەڵکی کوردستان و لایەنەکانی ئەو وڵاتەش وەک پەیامێک ئەو کارەمان لێ وەربگرن، داوا دەکەین و بیریان دەهێنینەوە کوردستان ئاشتی دەوێ، پێویستی بە ئارامیە، دەبێت ئارامی وڵات بپارێزرێت و خۆشەویستی جێی رق بگرێتەوە، کار بۆ خزمەتکردنی خەڵک و رەوینەوەی نیگەرانیەکانی گەنجەکانی وڵاتەکەمان بکرێت و خزمەتی کوردستانیان بکرێت، کە شایەنی خزمەتکردنن، من لەو بەرهەمهدا مەبەستمە بڵێم ئێمە ئاشتی و یەکتر خۆشویستن بەر لەهەموو شت پێویستی سەرەکیمانە، چونکە ئێمە خۆشەویستی لەنێوانمان کاڵ بۆتەوە. خەریکە رق لەیەک بوون دەبێتە بەشێکی ژیانمان، رەنگە ئەوەش هۆکاری سیاسەت و دنیای سیاسەت بێ، جوانی تێکستەکەو لێکچونی لەگەڵ خەم و داخوازیەکانی من، بۆ دۆخی ئێستای کوردستان وایکرد، بڕیاری بەشداریکردنی ئەو بەرهەمە بدەم، دواتریش جوانی ئەو ئاوازەی هونەرمەند هەڵکەوت زاهیر بۆ تێکستەکەی داناوە جێی رەزامەندیم بوو، بۆیە بەشداریم لە بەرهەمەکەدا کردوو پێکەوە لەگەڵ ئالان وتومانە و ئەو بەرهەمەش وەک پەیامێک بە خەڵک و سەرکردەکانی وڵات دەدەم، کە کوردستان پێویستی بەئارامیەو ئێمەی کوردستانیانیش ئاشتیمان دەوێ”.
