ڕاپۆرتی هونەری: بینییBinni و ئاینده Aindaی خوشك و برای سارا عومه‌ری نووسه‌ر پله‌ی سه‌ركه‌وتنیان له به‌شی یه‌كه‌می به‌رنامه‌ی ته‌لێنتی ”Denmark’s Got Talent”ی دانیماركی به‌ده‌ست هێنا.
بینییBinni ته‌مه‌ن ته‌نها 17 ساڵ و خوشكی سارا عومه‌ری نووسه‌ر، یه‌كێك له گۆرانییه سه‌خت و كلاسیكه‌كانی Nancy Sinatra به ناوی Bang Bang ی به‌بێ ئاله‌تی مۆسیقا پێشكه‌شی لیژنه‌ی دادوه‌ران كرد و توانی یه‌ك به یه‌كیان سه‌رسام بكات. سه‌ره‌ڕای ئه‌وه‌ی لیژنه‌كه سه‌رسامی ده‌نگیiBinn بوون. پاشان به كۆده‌نگی هه‌ر چوار هونه‌رمه‌ندی به‌شداربووی لیژنه‌ی دادوه‌ر، iBinn خاتونیان ڕه‌وانه‌ی به‌شه‌كانی تری به‌رنامه‌ی ته‌لێنتی Denmark’s Gots Talent كرد و سه‌ركه‌وتنی به‌ده‌ست هێنا. به‌ده‌ر له‌وه‌ش لیژنه‌ی دادوه‌ران سه‌رسامی كه‌سایه‌تی و بڕوا هه‌بوون به خۆی و توانای ئه‌م كچه كورده جوانه بوون، كه به شێوازێكی زۆر پرۆفێشناڵانه و زۆر به ساده‌ی توانای خۆی له بوواری هونه‌ری گۆرانی وتندا نیشاندا.
پاشان برا بچكۆلانه‌كه‌ی سارا عومه‌ر، ئاینده Ainda’ی ته‌نها ته‌مه‌ن 11 ساڵ هاته سه‌ر سته‌یج و به گۆرانییه‌كی قورسی Bruno Mars به‌ناوی When I Was Your Man به‌شداری كرد و به ده‌نگه زوڵاڵ و به‌هره‌‌مه‌ندییه‌كه‌ی خۆی و به چاڵه جوانه‌كه‌ی سه‌ر ڕوومه‌تی و شه‌رمنییه‌كه‌یه‌وه، توانی ته‌واوی لیژنه‌ی دادوه‌ران سه‌رسام بكات. ئه‌مه‌ش وای كرد، كه‘’The Golden Buzzer’’ دوگمه‌ی ئاڵتونی وه‌ربگرێت و وه‌ك تاقه به‌شداربووی زۆر به توانا و به‌هره‌مه‌ند ڕاسته‌وخۆ نێردرایه سه‌ر لایڤ سته‌یجیDenmark’s Got Talent
شایه‌نی باسه، له‌م به‌رنامه‌یه‌دا، ئه‌گه‌ر به‌شداربوو به‌هره‌یه‌كی ناوازه‌ی هه‌بێت، ئه‌وا ڕاسته‌وخۆ له‌لایه‌ن لیژنه‌ی دادوه‌رانه‌وه ده‌نێردرێته سه‌ر سته‌یجی به‌رنامه‌كه، بۆ ئه‌وه‌ی جاری داهاتوو به‌هره‌كه‌ی خۆی نمایش بكات و له ڕێگه‌ی ده‌نگدانی هاوڵاتیانه‌وه به SMS بگه‌یه‌نرێته پله‌كانی كۆتایی و فاینه‌ڵی به‌رنامه‌كه. ئه‌مه‌ش له ڕێگه‌ی ده‌ستنان به دوگمه‌ی گۆڵدن به‌زه‌ڕ ‘’The Golden Buzzer’’ دوگمه‌ی ئاڵتونیه‌وه ئه‌نجام ده‌درێت. له هه‌موو به‌شداربووه‌كاندا به ته‌نها چوار كه‌سی زۆر به توانا ده‌توانن گۆڵدن به‌زه‌ر وه‌ربگرن له‌لایه‌ن هه‌ر یه‌كێك له هه‌ر چوار دادوه‌ره‌كانه‌وه. Ainda ی به تواناو به‌هره‌مه‌ند یه‌كێكه له‌و به‌شداربووانه‌ی، كه توانی له ته‌مه‌نێكی ته‌نها11 ساڵاندا و له ماوه‌ی دوو خوله‌كدا بۆ ئه‌ندامانی لیژنه‌كه بسه‌لمێنێت، كه شایه‌نی ئه‌و خه‌ڵاته‌یه له وڵاتی دانیمارك.
بینیی Binni و ئایندهAinda خوشك و برا بچكۆلانه‌كه‌ی سارا عومه‌ری نووسه‌ر و شاعیرن و ئه‌مساڵ به‌شداریان له به‌رنامه‌ی تالێنتی دانیماركی كردووه، كه ناسراوه بهDenmark’s Got Talent و هه‌تا ئێستا هاوشێوه‌ی ئه‌م به‌رنامه‌یه له نزیكه‌ی 55 وڵاتی جیهاندا ئه‌نجامدراوه. ئه‌م به‌رنامه‌یه له كه‌ناڵی TV2 دانیمارك هه‌موو شه‌وانێكی شه‌ممه كاتژمێر 20:00 به كاتی ئه‌وروپا په‌خش ده‌كرێت و هاوڵاتیان ده‌توانن به ناردنی SMS ده‌نگ بده‌ن و به‌شداربوو بگه‌یه‌ننه پله‌ی یه‌كه‌م و فاینه‌ڵی به‌رنامه‌كه. له‌م پرۆگرامه‌دا چوار كه‌سایه‌تی به‌ناوبانگی بوواری هونه‌ر ئه‌ندامی لیژنه‌ی هه‌ڵبژاردنه‌كانن، كه هه‌ر یه‌كه‌یان و شاره‌زاییان هه‌یه له بووارێكدا. كه‌سایه‌تییه‌كان پێكهاتوون له Peter Frödin، Jarl Friis-Mikkelsen، Cecilie Lassen ، TopGunn
بۆ بینینی ڤیدیۆ ئەم لینکە بکەرەوە
بینیی Binni و ئایندهAinda دوو خوشك و برای به‌توانا و به‌هره‌مه‌ند، له خێزانێكی هونهرمهند و هونه‌ردۆست، به‌ڵام له هه‌مان كاتدا ئاواره و ده‌ربه‌ده‌ر و مه‌ینه‌ت دیده‌وه سه‌ریان هه‌ڵداوه. Binni له دایكبووی كوردستانه و ئاینده له‌دایكبووی وڵاتی دانیماركه. بینیی خوێنكاری پۆلی 11 یه‌و ئاینده‌ش خوێندكاری پۆلی پێنجه. هه‌ردووكیان له‌گه‌ڵ خێزانه‌كه‌یاندا دانیشتوی وڵاتی دانیماركن و نووسه‌ر سارا عومه‌ر خوشكی گه‌وره‌یانه و له هه‌مان كاتدا مامۆستای ده‌نگیانه و ڕۆژانه به‌رده‌وام به‌هره‌كانی ئه‌م دوو منداڵه به توانایه په‌روه‌رده ده‌كات. iBinn و Ainda له كاته به‌تاڵه‌كانیاندا سه‌رقاڵی نووسینی تێكستی گۆرانی و سه‌ماكردن و گۆرانی وتنن. هه‌روه‌ها بچوكترین ئه‌ندامی خێزانه‌كه‌یانن و به چه‌ند توانایه‌كی تایبه‌ته‌وه له‌دایكبوون، كه یه‌كێك له‌وانه گۆرانی وتن و سه‌ماكردنه.
Ainda ده‌ڵێت؛ من زۆر خۆشحاڵم، كه توانیم ڕاسته‌وخۆ بنێردرێمه سه‌ر لایڤ سته‌یجی به‌رنامه‌كانی داهاتوو، چونكه وه‌ك تاقه كه‌سێك توانیم دوگمه‌ی ئاڵتونی The Golden Buzzer به‌ده‌ست بهێنم له به‌رنامه‌ی ته‌لێنتی دانیماركیDenmark’s Got Talent
Binni ده‌ڵێت: من و ئاینده Ainda ی برام له‌و ده‌قه‌یه‌وه، كه توانیومانه قسه بكه‌ین و پێمان گرتووه، له هه‌مان كاتدا توانیومانه گۆرانی بڵێین و سه‌ما بكه‌ین. ئێمه له خێزانێكه‌وه هاتووین، كه به‌رده‌وام ڕێز له تواناكانی ئێمه گیراوه، بۆیه له‌گه‌ڵ وه‌رگرتنی په‌روه‌رده‌یه‌كی جواندا توانیومانه به‌هره‌كانمان په‌روه‌رده بكه‌ین و له هه‌مان كاتیشدا زۆر ساده بین. سوپاسی هه‌موو ئه‌و كه‌سانه‌ش ده‌كه‌ین، كه له داهاتوودا له ڕێگه‌ی SMS ده‌نگمان پێ ده‌ده‌ن.
له درێژه‌ی قسه‌كانیاندا، بینیی Binni و ئاینده Ainda ده‌ڵێن: داده سارای خوشكم و دایكم زۆر هاوكارمان بوون و به‌رده‌وام هانیان داوین و ئاماده بوون كه هاوكاریمان بكه‌ن، به‌تایبه‌تی داده سارا زۆر ماندوو بووه له‌گه‌ڵ ئێمه‌دا و زۆر ئێمه‌ی خۆشده‌وێت، ئه‌و هه‌موو كات ده‌توانێت به باشترین شێواز و زۆر به نه‌رمی و لێهاتووی له‌گه‌ڵ ئێمه‌دا هه‌ڵسوكه‌وت بكات، چونكه خۆی زۆر شاره‌زایه له بواری هونه‌ر و ئه‌ده‌بدا و ده‌زانێت چی بۆ ئێمه باشه و چی باش نییه.
سارا عومه‌ر، نووسه‌ر و شاعیر، خوشكی گه‌وره‌ی بینیی و ئاینده له كۆتایدا بۆمان دووا و وتی: بینیی Binni و ئایندهAinda گه‌وره‌ترین گه‌وهه‌ر و شانازی خۆم و خێزانه‌كه‌من و تواناكانیان زۆر تایبه‌ت و ده‌گمه‌نه بێجگه له‌وه‌ی، كه خۆیان دوو مرۆڤی ڕووخۆش و دڵپاك و زیره‌كن و به‌بێ جیاوازی گرنگیمان داوه به هه‌ردووكیان، فێرمان كردوون كه چێژ له شته بچوكه‌كانی ژیان ببینن، تا هه‌ست به هه‌بوونی خۆیان بكه‌ن. بۆیه پشتگیری و هاوكاری كردنیان مایه‌ی خۆشحاڵی ئێمه‌یه و سوپاستان ده‌كه‌ین لێره‌وه. هیوادارم هاوڵاتیانی نیشته‌جێی هه‌ر شوێنێكی جیهان بتوانن هاوكارمان بن له ڕێگه‌ی ناردنی SMS بۆ به‌رنامه‌كه، چونكه سه‌ركه‌وتنی خوشك و براكه‌م سه‌ركه‌وتنه بۆ كوردستان. ئه‌م به‌رنامه‌یه هه‌موو شه‌وانێكی شه‌ممان ده‌ستپێده‌كات و هه‌ڵبه‌ت من ئاگادارتان ده‌كه‌مه‌وه به‌ر له هه‌ر به‌رنامه‌یه‌ك. ده‌نگدانی هاوڵاتیان واتایه‌كی گه‌وره‌ی هه‌یه بۆ خوشك و براكه‌م، تا بتوانن بگه‌نه فاینه‌ڵی به‌رنامه‌كه و سه‌ركه‌وتنی كۆتایی و خه‌‌ڵاتی به‌رنامه‌ی به‌تواناترین ته‌لێنتی Denmark’s Got Talent به‌ده‌ست بهێنن. لێره‌وه سوپاسی هاوكارییان ده‌كه‌م و دڵنیایان ده‌كه‌مه‌وه، كه من هه‌موو هه‌وڵێكی خۆم ده‌ده‌م، بۆ ئه‌وه‌ی باشترین توانای خوشك و براكه‌م به ئێوه و به جیهان بناسێنم. بۆ زیاتر ئاگاداربوون له كاره‌كانی بینیی Binni و ئایندهAinda و بۆ ئه‌وه‌ی بزانن چۆن ده‌نگ ده‌ده‌ن، ده‌توانن لایكی په‌یجی فه‌ڕمی من و ئاینده‌ی برام بكه‌ن له فه‌یسبووك و ئاگاداری بڵاوكراوه‌كان بن به‌م ناونیشانانه‌ی خواره‌وه:
Ainda: https://www.facebook.com/AindaOfficial
Sara Omar: https://www.facebook.com/authorsaraomar
بینیی Binni و ئایندهAinda ی هونهرمهند هه‌تا ئێستا له چه‌ند به‌رنامه‌یه‌كی ته‌لێنتدا به‌شداریان كردووه و بۆ هه‌ر به‌رنامه‌یه‌كیش یه‌كه‌می به‌رنامه‌كه بوون. یه‌كێك له‌وانه به‌رنامه‌ی Kolding Shopping Mall Talent Show بوو، كه بینیی یه‌كه‌می به‌رنامه‌كه‌ی به‌ده‌ست هێنا له ناو ئه‌و به‌شداربووانه‌ی، كه ته‌مه‌نیان له سه‌رو پازده ساڵه‌وه بوو و ئاینده‌ش یه‌كه‌می به‌رنامه‌كه‌ی به‌ده‌ست هێنا بۆ ئه‌وانه‌ی له‌ژێر ته‌مه‌نی پازده ساڵه‌وه بوو له وڵاتی دانیمارك.
