زریان خەتاب
لێرەوەی من کە ھەم
تا ئەو شوێنەی تۆ ھەی
لەم رۆوە تا ئەبەدم
تا تۆ بەشتم پێدەدەی
غەرقی نەشمیلەیی تۆم
تۆ بەقەد من
لەو نەشمیلیەت تێ ناگەی
لەھەموو خۆشی بێبەریم
ئەوکات تۆ وێنام ناکەی
لە کۆی ژیانم دوودڵم
کەتۆ وا خۆت ون دەکەی
بەخۆشیەوە لەدایکبووم
کەئەبینم ژیرم دەکەی
لەتەمەنا من بێ باکم
لەباوشت گۆرم ھەڵکەی
لەوکاتەوە تا ئێستام
من وشەبم تۆ دەنگەکەی
کەمن ناگەم لەتۆ دوورم
ژیان بێ مانەیە شوناسەکەی
کەمن بەو دووریەشت مەستم
روونە تەژی عەشقت لەپاکیەکەی
بەژن بوونت من دلخۆشم
میھری ژنم نیشاندەدەی
لەتۆی ژندا من وا سۆزدەکەم
بەھەشتی ناختم پێ بۆندەکەی
لەژێر سەوزی تۆ و سۆزی دایکم
چەشنێک خۆش بەختیە
بەکۆتاکەی ھەرگیز ناگەی
لێرەوە بۆئەوێ تا ھەبێ بوونم
لەژنیەتیت بۆھەمیشە
ئەژنۆ لەئەرز و سەر نەویم
چون ئێوە دایک و یار و ئاسمانن
لەھەرسوچێکی مێژوو پر لەبرینی بەژانن
نەک بەرۆژێ بەکۆی ساڵی ماوەی دونیا
وەسفناکرێ کەفرمێچک لەچاوی ژن دێتەتکا
لەئاین و شیعر و ئەدەب ،لەفەلسەفە
لەداستان و جەنگی شەرەنگێزی پرلەکێشە
لەدڵداری و موحیبەتی یارە و یاران
ئێوە سەرکردەن ئەی ژنانی ژنی پر ژیان
zryanmedia@yahoo.com
