قەد نەم دەویست لەسەر بابەتێك بنووسم كە پەیوەندی بە هونەرەوە هەبێت چونكە ئەم بوارە بۆ ئەو كەسانەی كە پیشەیان هونەرە یاخود شارەزاییەكی باشیان هەیە لە هونەر دەبێت تێیدا بنووسن بەڵام ئەم جارە زۆری بۆهێنام كە هیچ نەبێت بتوانم بە چەند دێرێك گوزارەشت لەوە بكەم كە چیدیكە قبوڵ نەكرێت بەو شێوەیە كار و ئیشە جوانەكانی هونەرمەندانی كۆچكردو بشێوێندرێت،
كە بەداخەوە ئێستا بۆتە پیشەی هونەرمەندانی تازەپێگەیشتو و كردویانەتە باو كە دەبێت لەگەڵ هەربڵاو كردنەوەی یدیەكدا گۆرانی یەكێك لەو كەڵە هونەرمەندانەی تێدا بێت كە ئیشەكانیان وەك شاكارێك و ناسنامەی هونەری موزیك و گۆرانی ڕەسەنی كوردی سەیر دەكرێن، من تێناگەم بۆ هونەرمەندانی ڕاستەقینە و ئەو كەسانەی كە لە بواری هونەری موزیكدا كار دەكەن بە دەنگ نایەن؟ بۆ دەهێڵن بەو شێوەیە دەستكاری ئەو ئیشە جوانانە بكرێت؟ هیچ نەبێت هەر ئاماژەیەكی پێبكرێت چونكە لە دوای خۆتان ئیشەكانی ئێوەش بەر ئەم شاڵاوی وێرانكارییە دەبێتەوە ئیتر بۆ پێش وەختە هەوڵی بۆ نادەن؟. ماوەیەكەلە كەناڵەكانی تیڤیەوە گوێبیستی گۆرانییەكی هونەرمەندی خوالێخۆش بوو كاروان عوسمان دەبین كە بەدەنگی یەكێك لەو خانمانەی كە تازە هاتۆتە بواری گۆرانی گووتنەوە كە بە داخەوە لە هەموو ڕوویەكەوە گۆرانییەكە شێوێنراوە لە ڕووی موزیكەوە لە ڕووی ئەدا كردنی گۆرانیەكە لە ڕووی ووتنی دیالێكتی گۆرانیەكە كە ئەمە یەكەم جار نییە گۆرانیەكانی ئەم هونەرمەندە كۆچ كردووە وا لێدەكرێت، پێشتریش گۆرانیەكی تری بەم دەردەچوو كە هونەرمەندێكی شاری دهۆكی ئازیز وتبوویەوە، حەق وایە هەر كەسێك هەڵدەستێت بە گووتنەوەی گۆرانی هونەرمەندێكی تر دەبێت خۆی چاك ئامەدەكات و بتوانێت ئەو تازەگەرییە كە دەیكات كارنەكاتە سەر شێوە و چۆنییەتی گۆرانییەكە، یاخود ئەوەندەی خۆت خەریك دەكەیت بە گۆرانی یەكێكی دیكە وابزانم باشترە ئیش لە گۆرانیەكدا بكات كە موڵكی خۆی بێت، چونكە گۆرانی یەكێكی دیكە كە لە ژیاندا نەماوە هەر هونەرمەندەكە خاوەنی نییە بەڵكو گوێگران و هەوادارانیشی دەبنە خاوەنی، هەرچی هەڵدەستێت بە میزاجی خۆی گۆرانیەكی حەز لێدەبێت بەدەنگی خۆی تۆماری دەكات و ئیدی نازانێ دوایی چ دەگوزەرێت وادەزانێت بە تۆماركردنی گۆرانیەكە لە ستۆدیۆیەكی پڕۆفیشناڵ خۆیان گۆتەنی ئیدی كارێكی چاك و بە پێز و فول مواێەفاتی بەرهەمهێناوە، بەم شێوەیە بڕوات ئەتوانین هەموومان ببین بە گۆانی بێژ لە سەر حسابی هونەرمەندانی دیكە، بە وتنەوەی گۆرانی كەسێكی دیكە هونەری موزیك و گۆرانی بەرەوپێش ناچێت ئەوەندی كە گۆرانیەكە دەشێوێت و میزاجی گوێگری پێ تێكدەچێت. بۆیە من دەڵێم وازبێنن با ئەو هونەرمەندانە لە گۆڕەكانیشینا ئاسوودەبن، با چیدیكە كارە جوانەكانی هونەرمەند كاروان عوسمان تێك نەدەین و واز لە كاروان و ئەوانەی وەك ئەون بێنین، داواش لەو كەسانە دەكەم كە لەم بوارەدا كار دەكەن و كە هەموو ژیانیان بۆ موزیك و گۆرانی تەرخان كردووە ڕێگربن لە بەردەم ئەم جۆرە لاسایكردنەوانە و بتوانن پارێزگاری لەو ئەرشیفە جوانەی كە لە هونەرمەندانی كۆچ كردو و ئەو هونەرمەندانەی كە تازەگەری و شتی جوانیان پێشكەش كردووە بۆمان ماوەتەوە بكەن و داواشم بۆ ئەو هونەرمەندانە هەیە كە دەیانەوێت گۆرانی كەسێكی دی بڵێنەوە پرس و ڕای لە خۆیان شارەزاتر و هەوادارانی گۆرانیبێژەكە وەرگرن.
چیار احمد سالار… هه‌ولێر
نازادر
