بۆ مه‌رگی کاکه‌ ڕێژوان

به‌ندی عه‌لی .. 2011

عیزره‌ئیل

پێی شه‌رمه‌ ئه‌مشه‌و

توخنی ئه‌م هه‌واره‌ که‌وێ

له‌هه‌ر کوچه‌و کۆڵانێکا

تفه‌نگێکی نابینایه

ئه‌هریمه‌ن

ناوێرێ ئه‌م شه‌و

سه‌ردانی ئه‌م شاره‌ بکا

هێنده‌ فیتنه‌بازی گێلی

سوک و ترسنۆکی تیایه

له‌ئه‌مڕۆوه‌ ئیتر باسی

چیرۆکی هاوخوێنی مه‌که‌ن

له‌م هه‌واره‌ زامداره‌یا

گوڵم ، هه‌رزانترین کاڵا

خوێن من و خوێنی تۆیه‌

له‌ئه‌مڕۆوه‌ ئیتر باسی

نوکته‌ی هاوزمانی مه‌که‌ن

له‌م هه‌واره‌ بێزاره‌یا

لوله‌ی تفه‌نگ

زمانحاڵی .. گفتوگۆیه