خاڵه‌به‌کر/هۆڵه‌ندا
(1)
دوور له‌ئێستا،
گوڵه به‌لقیسی باخچه‌ی عه‌رشم بوویت..
به‌یانیان،
دوای هه‌ڵگڵۆفینی چاوه‌کانت،
په‌پوله‌ی ڕۆحم به‌یانی باشی لێ ئه‌کردیت.
(2)
له‌قوتابخانه‌یه‌کدام..،
ئه‌و به‌یانیه‌ی،مامۆستای سروود،
مارشی عیشقم پێ ده‌خوێنێ،
مامۆستای وانه‌ی عیشق..!
زمانی ده‌کات به‌تیغ و..،
دژی فره ژنی ده‌ئاخفێ..!
لێ،به‌ڵێ
له‌بن ساباتی داکۆکی کردنیشه‌وه،
بۆ فره پیاوی ده‌گه‌ڕێ.
(3)
له‌پۆلێکدام،
ئه‌و کتێبه‌ی،
لاپه‌ڕه‌کانی،
له‌په‌ڕه‌ی هه‌ناسه‌یه‌و له‌دیدی په‌پوله‌وه ئه‌یخوێنمه‌وه..،
له‌وانه‌ی ئاینده‌دا..
ئه‌یشارنه‌وه..!
ئه‌و ده‌مه‌ی مامۆستاش له‌وانه ووتنه‌وه ئه‌بێته‌وه،
سه‌قفی پۆله‌که‌م لێ ئه‌بێت به‌ئاسمان،
ده‌روونم ئه‌بێت به‌هه‌وره تریسکه،
ته‌خته ڕه‌شه‌که‌ش..
ئه‌بێت به‌ته‌خته‌ی سپی..!
له‌وانه‌ی ئاینده‌دا..،
ڕه‌شێنه‌ی چاوه‌کانی مامۆستا..!
ئه‌که‌م به‌ته‌باشیر،
له‌سه‌ر ته‌خته سپێکه ئه‌نووسم..!
+په‌شیمانم،
ئه‌و ده‌مانه‌ی..،
شیعرم بۆ ئه‌نوسییت ،
په‌شیمانیشم،
ئه‌و ده‌مانه‌ی،
ڕۆحمم کردبوو،به‌مه‌شخه‌ڵی سه‌ر له‌پی ده‌سته‌کانت،
چونکه..،
ئیراده‌م نه‌هه‌نگێک بوو..!)
له‌وشکایی عیشقا داد په‌وه‌ر بوو..)
(4)
هه‌رچی هه‌وری گه‌ردوون هه‌یه،
له‌سه‌ر ووشکایی هه‌ق بێژیدا ڕیزیان ئه‌که‌م..
په‌ڵه،به‌په‌ڵه،
لێیان ئه‌پرسم،
کامتان،تا،ئێستا؟
لێوه‌کانی،
لێوی نمه بارانێکی ته‌ڕ نه‌کردوه؟
با،له‌گۆڕه‌پانی ئه‌م عیشقه‌دا!
بێته ده‌رێ،ڕاوێژی که‌م،
نه‌با،جارێکی تر..،
ئاسمان،
له‌خشته‌ی بباو هه‌ڵخخه‌ڵه‌تێ..!
(5)
سه‌رسامم!
یاخی و تووڕه‌م..
له،تۆ،
له‌خۆم،
له‌و دڵۆپه بارانه‌ی،
که‌پێی ووتم،بێ خه‌م بـــــــــــه..
به‌ڵێن بێـــــــــــــــــــــــت،
که‌هاتمه خوار،
ده‌ستی ووشکم،
هیچ ده‌ستێکی ته‌ڕ نه‌گوشێت
تـــــــــــــــا….،
پێکه‌وه له‌ئاسمان،
شوێنێکی متمانه‌تــــــــر،
ده‌که‌ین،به‌جێ ژوان،
یاخی و تووڕه‌شم!!
له‌و ئه‌ستێره‌یه‌ی،
پێش دره‌وشان،
که‌پێی ووتم!
دڵنیــــــــــــــــــابـــــــــه..!
ناهێڵم دڵی هیچ که‌س له‌تۆ زیاتر،
شانازی بکات به‌ڕه‌ونه‌قمه‌وه،
یاخی و تووڕه‌شم!
له‌و باوه‌شه‌ی،
که‌بوو،به‌لانه‌و،فێرگه‌ی عه‌شقم!
چونکه..،
جگه،له‌شکست و تێکشکان،
هیچ شتێکی تری لا جێ نه‌هێشتم..
(7)
نامه‌کانتم هه‌ر لاماوه..،
دڵنیــــــــــــــــــــابه،
بۆ،مه‌رگیشی ناخوێنمه‌وه..!
بۆنی هه‌ناسه‌کانیشتم هه‌ر لاماوه..،
دڵنیــــــــــــــــــــابه..!
به‌بۆنی هیچ گوڵێکی ناگۆڕمه‌وه
لێ،په‌شیمانم..،
له‌و نامانه‌ی که بۆم نوسیت و
نیشانی خۆمم نه‌یـــــــــــــــــــــــا،
چونــــــــــــــــــــــــــــــــــــکه..،
وام ئه‌زانی،
ته‌نها به‌منت ووتـــــــــــــــووه..
له‌ژیانـــــــــــــــــــا،
ته‌نها،دووشت،به‌زۆر نیه
یه‌که‌م،هاوڕێیه‌تی!
دووهه‌میش،خۆشه‌ویستی!
(8)
ڕۆژانێک..،
توینوێتیت به‌لێوه‌کانم ئه‌شکا،
ئێستاش به‌خوێنم..!
(9)
نمه‌کم کردویت..!
نمه‌کی،
(خوێ)و(نان) و(ئاو)..نـــــــــــــــــــــــا..
نمه‌کیشت کردوم..!
نمه‌کی،
(خۆێ)و(نان)و(ئــــــــــــــــــــــــاو)…نــــــــــــــــــــــــــا..
له‌سه‌ر ئه‌و سفره‌یه‌ش..!
هه‌ناسه نه‌ما..!
ئاڵای سوور..!
به‌عاشقان هه‌ڵنه‌کا..!
***
21/3/2009
