مەنووچێهر جیهانی ـ بهڕێوهبهرانی سی و دووهەمین خولی فیستیڤاڵی نێونهتهوهیی فیلمهکانی منداڵان و مێرمنداڵانی ئێران له چهندین بڕیار و حوکمدا له لایهن “عهلیڕهزا تابێش” ناسێندران.
به پێی راپۆڕتی لێژنهی پهیوهندییهکان و راگهیاندنی سی و دووههمین خولی فێستیڤاڵی نێونهتهوهیی فیلمهکانی منداڵان و مێرمنداڵانی ئێران، بهپێی حوکمهکانی “عهلیڕهزا تابێش” دهبیری فێستیڤاڵ، “حهبیب ئیل بهیگی” وهکوو “راوێژکاری باڵای دهبیر و بهڕێوهبهری سێههمین ئۆڵهمپیادی فیلمسازیی مێرمنداڵانی وڵاتی ئێران”، “دوکتۆر رائید فهریدزاده” وهکوو “بهڕێوهبهری نێونهتهوهیی”، “موحسین دهلیلی” وهکوو “بهڕێوهبهری پهیوهندییهکان و راگهیاندنی گشتی”، “ئیرهج تهقی پوور” وهکوو “بهڕێوهبهری هونهری”، “سیمۆن سیمۆنیان” وهکوو “بهڕێوهبهری دهبیرخانه” و “عیزهتوڵڵا عهلیزاده” وهکوو “بهڕێوهبهری پشتیوانیی تهکنیکی نمایش”ی سی و دووههمین خولی فێستیڤاڵی نێونهتهوهیی فیلمهکانی منداڵان و مێرمنداڵانی ئێران دیاری کران.
پوختهیهک له پێشینهی بهڕێوهبهرانی ئهم خولهی فێستیڤاڵ بهم پێیهی خوارهوهیه؛
“حهبیب ئیل بهیگی” راوێژکاری باڵای دهبیر و بهڕێوهبهری سێههمین ئۆڵهمپیادی فیلمسازیی مێرمنداڵان؛ له کارنامهی پیشهیی ئهودا چهندین خاڵی وهکوو سهرۆکی دهستهی بهڕێوهبهرایهتی و بهڕێوهبهری گشتیی ئهنجومهنی سینهمای لاوانی ئێران، جێگری بهڕێوهبهری گشتی بهشی وهزارهتیی وهزارهتی فهرههنگ و ئیرشادی ئیسلامی، راوێژکاری بهڕێوهبهری گشتی و بهڕێوهبهری راگهیاندنی گشتی دامهزراوهی سینهمایی فارابی، بهڕێوهبهری گشتی راگهیاندنی گشتی و کاروباری نێونهتهوهیی حهوزهی هونهری، دهبیری لێژنهی راگهیاندنی وهزارهتی فهرههنگ و ئیرشادی ئیسلامی، بریکاری دامهزراوهی سینهمایی فارابی و ئهندامێتی له لێژنهی سیاسهت داڕشتن و بهڕێوهبردن و ساز کردنی چهندین فێستیڤاڵی نێونهتهوهیی و نهتهوهیی دهبیندریت.
“دوکتۆر رائید فهریدزاده” بهڕێوهبهری نێونهتهوهیی؛ دهبیری ئهنجومهنی نێونهتهوهیی سینهمای ئێران و جێگری نێونهتهوهیی دامهزراوهی سینهمایی فارابییه که ئهزموون گهلێکی وهکوو هاوکاری لهگهڵ ئهنجومهنی سینهمای لاوانی ئێران و ناوهندی پهرهپێدانی
سینهمای بهڵگهیی و ئهزموونی و ئهندامی لێژنهی زانستی زانکۆی ههیه.
“موحسین دهلیلی” بهڕێوهبهری پهیوهندییهکان و راگهیاندنی گشتی؛ دهرچووی بهشی رۆژنامهوانی و پهیامنێری و چالاکی چاپهمهنی و راگهیاندن له بواری سینهما. ئهزموونی چالاکی له بواری راگهیاندنی گشتی له رێکخراوهکان و دامودهزگا دهوڵهتییهکان و ههروهها بهشداری له لێژنهکان و راگهیاندنه گشتییهکانی چهندین خولی فێستیڤاڵی فیلمی فهجر، فێستیڤاڵی نێونهتهوهیی فیلمی منداڵان و مێرمنداڵان، فێستیڤاڵی کورته فیلم له کارنامهی ئهودا دهبیندرێت.
“ئیرهج تهقی پوور” بهڕێوهبهری هونهری؛ ئهزموونی وانهگوتنهوهی بیست ساڵه له کۆلێژهکانی سینهمایی، دهبیری فێستیڤاڵی فیلمی شار، بهڕێوهبهری هونهری فێستیڤاڵی جیهانی فیلمی فهجر و بهرههمهێنهری بهرههم گهلی سینهمایی له کارنامهی ئهودا دهبیندرێت.
“سیمۆن سیمۆنیان” بهڕێوهبهری دهبیرخانه؛ بهڕێوهبهری دهبیرخانهی فێستیڤاڵی فیلمی فهجر و فێستیڤاڵی فیلمی مقاومهت، بهڕێوهبهری راگهیاندنی گشتی ماڵی سینهما، بهڕێوهبهری بنکهی فیلمی ماڵی سینهما، بهڕێوهبری دابین کردن و بهرههمهێنانی دامهزراوهی راگهیاندنهکانی وێنهیی و وهرگێڕی سیناریۆکان و وتارگهلی سینهمایی له گرینگترین ئهزموونهکانی ئهو دێته ئهژماردن.
“عیزهتوڵڵا عهلیزاده” بهڕێوهبهری پشتیوانیی تهکنیکی نمایش؛ ئهو بهڕێوهبهری گشتی بهشکۆی پشتیوانی و گهشهکردن و پێشخستنی سینهمای ئێران، بریکاری بازرگانی و بهرههمهێنان و پشتیوانی دامهزراوهی سینهمایی فارابی و ئهندامی ئهنجومهنی جێبهجێکاری 32 خولی فێستیڤاڵی فیلم فهجر بووه. ئهندامێتی له ئهنجومهنی جێبهجێکاری 27 خولی فێستیڤاڵی نێونهتهوهیی فیلمهکانی منداڵان و مێرمنداڵانی ئێران له ئهزموونهکانی دیکهی عهلیزادهیه.
سی و دووهەمین خولی فیستیڤاڵی نێونهتهوهیی فیلمهکانی منداڵان و مێرمنداڵانی ئێران به ئامانجی ناساندنی باشترین بهرههمهکانی سینهمای منداڵ و مێرمنداڵ له بوارهکانی “نهتهوهیی” و “نێونهتهوهیی”، رهخساندنی بهستێن و بوار بۆ پهرهسهندنی بهردهوام و هاوسهنگی سینهمای منداڵ و مێرمنداڵ و دابین کردنی هاوکاری و ئاڵوگۆڕی نێوان کارگێڕان و هونهرمهندان و ههروهها ههوڵدان بۆ بهرزکردنهوهی چۆنایهتی و پهرهپێدانی رێژهی بهرهوپێشچوونی سینهمای منداڵ و مێرمنداڵ به ناساندنی دهفرایهتییهکان و سهرمایهکانی ئهم بواره بهڕێوهدهچێت.
ئهم فێستیڤاڵه له بهشهکانی فیلمی درێژی چیرۆکی، کورته فیلمهکانی چیرۆکی، وێب سێری، فیلمهکانی ئهنیمهیشێنی درێژ و کورته فیلمهکانی ئهنیمهیشێن بهڕێوهدهچێت.
سی و دووهەمین خولی فیستیڤاڵی نێونهتهوهیی فیلمهکانی منداڵان و مێرمنداڵانی ئێران ICFF لە رۆژانی 28ی گهلاوێژ تا 4ی خهرمانانی 1398ی ههتاوی رێکهوتی 19 تا 26ی ئۆگۆستی 2019ی زایینی له دوو بهشی “نهتهوهیی” و “نێونهتهوهیی”دا بە بەرپرسیاریی “عەلیڕەزا تابێش” لە شاری مێژوویی ئیسفەهان لە وڵاتی ئێران بەڕێوەدەچێت.
بۆ زانیاریی زیاتر:
ڕاگهیاندنی گشتیی فیستیڤاڵی نێونهتهوهیی فیلمهکانی منداڵان و مێرمنداڵانی ئیسفەهان.
