به‌رنامه‌ی چراکان… به‌ په‌پوله‌یه‌ک و عه‌دنان که‌ریمه‌وه‌

ماوه‌ی یه‌ک مانگه‌ له‌کوردستان به‌سه‌ردانێک گه‌ڕاومه‌ته‌وه‌ بێگومان کوردستان گۆڕانێکی زۆری به‌سه‌رداهاتووه‌ هه‌ربچوکترین شته‌وه‌ هه‌تا دواترینیان، به‌تایبه‌ت میدیاکان دیاره‌ میدیا خۆی بۆخۆی ئه‌رک وکار ومافی هه‌یه‌ پیویسته‌ سه‌رجه‌م ئه‌وانه‌ له‌یه‌ک جیابکاته‌وه‌…له‌کاتی گه‌ڕانم دا به‌ناوڕادیۆی وڵاته‌که‌مدا که‌وته‌ سه‌رشه‌پۆلێک که‌ کوڕێک به‌ئه‌دایه‌کی جوانه‌وه‌ پرسیاری له‌سه‌ر هونه‌رمه‌ندی گه‌وره‌ی کورد کاک عه‌دنان که‌ریم کردو گوتی:مامۆستا عه‌دنان که‌ریم ئاوازێکی داوه‌به‌تۆ ئایا هاوکاری هیچ گه‌نجانی تری کردوه‌؟ یه‌کسه‌ر تووشی شۆک بووم چونکه‌ هونه‌رمه‌ند عه‌دنان که‌ریم هونه‌رمه‌ندێکی گه‌وره‌یه‌وناکرێت ببێته‌ مایه‌ی باسکردنی له‌پڕۆگرامه‌کاندا…

دواتر زانیم که‌ئه‌مه‌ به‌رنامه‌یه‌کی گه‌نجانه‌یه‌و ئه‌وه‌ی میوانی به‌رنامه‌که‌یه‌ یه‌کێکه‌ له‌که‌سه‌نزیکه‌کانی هونه‌رمه‌ندی گه‌وره‌ کاک عه‌دنان که‌ریم منیش ئه‌گه‌رچی ئه‌م گه‌نجه‌م نه‌ده‌ناسی به‌ڵام له‌به‌رئه‌وه‌ی ناوی عه‌دنان که‌ریم هاتبوو تا کۆتای به‌رنامه‌که‌ گوێبیستی بووم هه‌ستم کرد ،کارێکی باش بۆ گه‌نجانی به‌هره‌مه‌ند کراوه‌ له‌گشت ڕادیۆکان ومیدیاکان وه‌لێ به‌داخه‌وه‌ من ماوه‌وه‌ی مانگێک وچه‌ند ڕۆژێکه‌ له‌کوردستانم تائێستا جگه‌ له‌به‌رنامه‌یه‌کی ڕادیۆی ده‌نگی کوردستان به‌رنامه‌یه‌کی دیکه‌م گوێبیست نه‌بووه‌…..له‌ڕاستیدا ده‌مه‌وێت که‌مێک باسی لێهاتووی وئه‌و که‌سه‌ی به‌رنامه‌که‌ی به‌ڕێوه‌ده‌برد وله‌هه‌مان کاتیشا میوانی به‌رنامه‌که‌ بکه‌م دیاره‌ دوایی له‌ڕێگه‌ی هه‌واڵێکی چرا تیڤیه‌وه‌ بۆم ده‌رکه‌وت که‌ئه‌وه‌ی ئه‌م به‌رنامه‌یه‌ پێشکه‌ش ده‌کات یه‌کێکه‌ له‌ستافه‌کانی ئه‌م سایته‌گه‌نجێکیی نوێیه‌ من وه‌کو خۆم سه‌رسامم پێی که‌سێک بتوانێت له‌ته‌مه‌نێکی لاوێتیدا ئه‌وه‌نده‌خزمه‌ت به‌چینی گه‌نج بکات ئاخۆ ده‌پرسم کامه‌ به‌رپرس تائێستا گه‌نجێکیان به‌ بیسه‌رێک وبه‌ بینه‌رێک ناساندوه‌..!!؟ یان ئه‌و گه‌نجه‌ خاوه‌ن به‌هره‌یه‌ی که‌میوانی ئه‌وبه‌رنامه‌یه‌ بوو چه‌ند کاریان بۆکردوه‌!!؟ که‌من دڵنیاتان ده‌که‌مه‌وه‌ ئه‌گه‌ر ئێوه‌ گوێبیستی ده‌نگی ئه‌م به‌هره‌مه‌نده‌ بوونایه‌ له‌گه‌ڵ ئه‌و عوده‌ی ده‌یژه‌نی واتان ده‌زانی ئه‌مه‌ کاک عه‌دنان که‌ریمه‌و یه‌کێکه‌ له‌گۆرانیه‌کانی!!؟ ئێ بۆ کار ناکه‌ن بۆ گه‌نجێکی ئاوا؟ بۆ به‌ده‌فته‌رو پێنج ده‌فته‌ر به‌هه‌ده‌رده‌ڕوات بۆ کلیپێکی سه‌قه‌ت وئاوازێکی عه‌ره‌بی به‌ناو ئارابێکس!!؟

ئه‌وه‌ی زۆر سه‌رنجی ڕاکێشام ئه‌وه‌بوو پێشکه‌شکاره‌که‌ به‌میوانه‌که‌ی ده‌تووت ڕات چۆنه‌ پڕۆگرامێکی له‌وشێوه‌یه‌ که‌گه‌نجێک پێشکه‌شی ده‌کات!!؟ میوانه‌که‌شی به‌ئێحساسێکی جوانه‌وه‌ له‌ناخی دڵه‌وه‌ سوپاسگوزاری بوو!!؟ لێره‌دا بۆمان ده‌رده‌که‌وێت که‌ڕه‌نگه‌ ئه‌م پێشکه‌شكاره‌ لاوه‌ وابزانێت کاره‌که‌ی هیچ نیه‌و به‌شیاوی نه‌زانێت به‌ڵام من لێره‌وه‌ پێێ ده‌ڵێم ئه‌مه‌ی تۆ کردوته‌ داهێنانێکه‌ له‌نێو میدیای بیستراو ئه‌وه‌ی جێگه‌ی فه‌خرو شانازیشه‌ ئه‌وه‌یه‌ که‌تۆخزمه‌ت به‌گه‌نجان ده‌که‌یت ..به‌گه‌نجانێک که‌خزمه‌ت به‌که‌لتورو وڵاته‌که‌یان ده‌که‌ن ….!!  نه‌وه‌ک به‌گه‌نجانێک که‌هه‌ستاون به‌ فرۆشتنی خاک ووڵاتیان و خۆیان به‌ ئوستازانی مقام وگۆرانی وشعر  ئه‌زانن

من لێره‌وه‌ ده‌ستخۆشییه‌کی زۆرم هه‌یه‌ بۆ ئه‌م په‌پلوله‌ ڕوح سوکه‌ که‌وه‌کو داهێنانێک داهێنانی کردوه‌ له‌میدیای بیستراو بۆ گه‌نجان ئومێدی ئه‌وه‌ی لێده‌که‌م کاری زۆرباشتر بکات، لێره‌وه‌ پێێ ده‌ڵێم ئه‌وه‌ی تۆ له‌به‌رنامه‌که‌ی خۆت به‌که‌می ئه‌زانیت وپێت وایه‌ خزمه‌تێکی بچوکه‌ من پێت ئه‌ڵێم خزمه‌تێکی زۆر گه‌وره‌ ئه‌که‌یت وه‌لێ وه‌کو سه‌ربازێکی ون پێی نازانن من ئه‌مه‌وێت ئه‌وه‌ت پێبڵێم له‌وڕۆژه‌وه‌ی هاتومه‌ته‌وه‌کوردستان به‌ئاواته‌وه‌م ڕۆژی به‌رنامه‌که‌ت بێت وبۆئه‌وه‌ی خۆم وئه‌ندامانی ماڵه‌وه‌مان گوێبیستی به‌رنامه‌که‌ت بین ئه‌وبه‌رنامه‌یه‌ی که‌به‌لای خۆته‌وه‌ خزمه‌تێکی بچوکی گه‌نجان ده‌کات وبه‌لای ئێمه‌وه‌ ده‌ریایه‌که‌ له‌خزمه‌تکردن به‌گه‌نجانی کورد….ئافه‌رین گه‌نجی وڵات خۆشه‌ویست سه‌ربه‌رزو سه‌رکه‌وتوبیت له‌دوا دێڕم پێت ئه‌ڵیم گه‌نجانێکی زۆر چاوه‌ڕێی تۆن خه‌مخۆریان به‌، هه‌مانکاتیش گه‌نجانێکی زۆر چاوه‌ڕێی گوێبیستی به‌رنامه‌که‌تن وئاگاداریان به‌

شیلان ئه‌حمه‌د

shilan_ahmad@hotmail.com