وه‌ره تۆش ..
ده‌ستت بخه دڵی مردووم ..
با ئه‌و پارچه مردووه‌شم ..
هه‌ر نه‌مێنێ..
وه‌ره ده‌زانم تۆش …
به سووتانم گه‌وره ده‌بیت و ..
لێم مه‌علومه…
نوزه نوزت…
هه‌رس به شیعرم ده‌هێنێ.
وه‌ره تۆش ..
چیت که‌متره …
له گوڵانه‌ی ..
په‌ڕه‌ی عومریان هه‌ڵوه‌راندم ..
چیت که‌متره ..
له‌و دڵانه‌ی …..
قه‌ڵای ئارامیان لێ روخاندم..
ده وه‌ره تۆش…
ئه‌وه‌ی ماومه بۆ خۆت بیبه..
ئه‌وه‌ی ماومه…
دڵێکی مردوو..
خامه‌یه‌کی لاڵ ..
دوو ووشه‌ی قۆڕ..!!
مردن و ژیان.!!
ده وه‌ره ها ..ده ها بگره..
با ئه‌وانه‌شم نه‌مێنێ..
ده وه‌ره ..ئاوا لێم مه‌ڕوانه ..!
با خه‌می تۆش ..
بۆ یه‌کجاری…
کۆتایی…
به بوون و ناوم بێنێ.
کاروان ناڵه
