به‌ناوی کۆمه‌ڵگای کوردیه‌وه له له‌نده‌ن بانگه‌وازی سه‌رجه‌م ڕێکخراو و لایه‌ن و که‌سایه‌تی و هه‌ڵسوڕاوه‌کانی مافی مرۆڤ ده‌که‌ین له وڵاتی به‌ریتانیا به گشتی و له له‌نده‌ن به تایبه‌تی . ئه‌مساڵ له یادی 24 ساڵه‌ی کاره‌ساتی هه‌ڵه‌بجه‌دا با پێکه‌وه ڕێز له‌م یاده بگرین با بۆ هه‌ڵه‌بجه بیر له‌وه نه‌که‌ینه‌وه سه‌ر به کام گروپ و حیزب و ڕێکخراوی سیاسین هه‌له‌بجه موڵکی هه‌مو کوردو هه‌مو کۆمه‌ڵگای مرۆڤایه‌تیه.
کاره‌ساتی هه‌ڵه‌بجه کاره‌ساتێکی گه‌وره‌ی ئینسانیه و هه‌مو ئه‌و که‌سانه‌ی ژیانی مرۆڤیان بۆ گرینگه و ڕێز له مافه‌کانی مرۆڤ ده‌گرن گرینگه له‌م یاده‌دا به‌شداری بکه‌ن. تا ئیستاش سه‌دان که‌س له به‌رکه‌وتونی کیمایی له هه‌ڵه‌بجه به‌ده‌م ئازاره‌وه ده‌ناڵێنن با هه‌مومان نه‌خشمان هه‌بێت له چاره‌سه‌کردنیان
گرینگترین کارێک شایسته‌ی هه‌ڵه‌بجه بێت و کاریگه‌ری هه‌بێت له‌سه‌ر ژیانی به‌رکه‌وتوانی ئه‌م کاره‌ساته ئه‌وه‌یه له که‌یسێکی لۆکاڵیه‌وه بیکه‌ین به که‌یسێکی نێونه‌ته‌وه‌یی بۆ ئه‌م مه‌به‌سته‌ش ئه‌رکی هه‌مو مڕۆڤدۆستێکه کاری بۆ بکات.
به هیواین له‌م ڕۆژه‌دا یادی هه‌له‌بجه له ناو جه‌رگه‌ی شاری له‌نده‌ندا به‌رز ڕابگرین.
ئاماده‌بونتان بۆ ئه‌م یاده خزمه‌ته به سه‌رجه‌م مرۆڤایه‌تی و به سه‌رجه‌م قوربانیانی هه‌له‌بجه.
شۆێن/ تراڤڵ گارسکوێر
به‌روار/ 16/03/2012
کات. 6 ئێواره بۆ 8 ئێواره
کۆمه‌ڵگای کوردی له‌نده‌ن/
بۆ زانیاری زیاتر په‌یوه‌ندی بکه‌ن به 07895636633 یان 07896322060
