زانا دڵشاد دزەیی : کچە پێشکەشکار ئەڤین ئاسۆ لە کەناڵی کورد ماکس دەست بەپڕۆگرامەکەی دەکاتەوە، کە ساڵی رابردوو بەھۆی دوورخستنەوەیان لەکەناڵ چار و کوڕەک بەرنامەکەی وەستا.
کارمەندێکی کەناڵی کورد ماکس کە نەیویست ئاماژە بەناوەکەی بکرێ بۆ (سڤیل) ئاشکرایکرد “دانیشتێک لەنێوان ئارت کۆمپانیا و کەناڵی کوردماکس کراوە، بۆئەوەی ئەڤین ئاسۆ بەرنامەکەی بەناوی “ئەڤین ژن و ژیان” لەکەناڵی کورد ماکس دەستپێبکاتەوە”. ئەو سەرچاوەیە ئەوەشی گوت “ئەزڤین ئاسۆ یەک بەرنامەی دەبێت، تائێستا بڕیارە بەرنامەکەی بەناوی ئەڤین ژن و ژیان بێت، لەجەژنی رەمەزان یەکەم ئەڵقەی پێشکەش دەکرێ، ستۆدیۆی بەرنامەکەش ھی ئارت کۆمپانیایە”.
ئارت کۆمپانیا لەلایەن ئەڤین ئاسۆ و ئارامۆ خاوەندارێتی دەکرێت و کەناڵی ئاسمانی کورد ماکس ئێستا لەقۆناغی ئەزموونی دایە و لەگەڵ جەژنی نەورۆز پڕۆگرامەکانیان پەخش دەکات.
لەوبارەیەوە (سڤیل) پەیوەندی بە ئەشرەف مستەفا بەڕێوەبەری پەخش لە کەناڵی کورد ماکس کرد و تەنیا گوتی “بەڵێ شتێکی وا ھەیە، بەڵام ھەفتەی داھاتوو یەکلایی دەکرێتەوە”.
