لەتیف هەڵمەت
وا مەزانن ئەو چیایە
هەر کۆمەڵێ بەرد و کەڤر و گژ وگیایە
هەربەردێکی جانتایەکە عەشقنامەی
عاشقێکی لە بندایە
هەر کەڤرێکی ئاوێنەیە و
وێنەی سەد شەهیدی تیایە
هەر کانییەک لەو چیایە هەڵقوڵاوە
ئاو نیە خوێنی شەهیدە
بۆبەرگری لەو چیایە ڕژاوە
هەموو پووش و پەڵاشێکی ئەو چیایە
ڕمی ژەهراوی ناودڵی
سەد سوڵتان و نادرشایە
ئەو چیایە تووڕە مەکەن تکایە
با هەمووتان تێکنەشکێنێ
بەشەپۆلی ڕەشەبایە.
Discussion about this post