جه‌لال ڕه‌ئوف :که‌به‌رد ده‌بێته‌هاوڕێ وبه‌ده‌ست ده‌یگری ،نه‌ک هه‌موو به‌ردێکیش ، به‌ڵکو به‌ردێکی لوس وته‌نک ، کاتێ به‌خۆلارکردنه‌وه‌وه‌به‌هه‌مو هێزت ده‌یگریته‌ڕوکه‌شی گۆمێکی خه‌ولیکه‌وتو ، بۆ ئه‌وه‌ی چه‌ند بازنه‌یه‌کی گه‌ردونیت بۆ پێکبهێنێ ،
ئه‌و خۆشیه‌چۆن پێناسده‌که‌ی که‌مرۆڤ بؤ‌چه‌ند ساتیک ده‌هێنێته‌جۆش وه‌بێ چاوتروکاندن لهدوی هه‌ر بازنه‌ێک ده‌که‌وێت؟ به‌رد به‌رده، هه‌ستیش هه‌سته‌کامیان له‌پێش ئه‌وی تریان هاتۆته‌دونیاوه، هه‌ست یان به‌رد؟ ئه‌گه‌ر به‌گویره‌ی یاسای هێزی راکیشان بۆیبچین یه‌کسه‌ر ده‌ڵێین : به‌رد. به‌ڵام ئه‌گه‌ر ، وه‌ک کارێکی هونه‌ری و جوانیی سه‌یریبکه‌یین ده‌ڵێین هه‌ست یان ئاره‌زو، چونکه‌هه‌مو کارێکی هونه‌ری به‌رزباڵا له‌خۆشه‌ویستیه‌کی گه‌ردونیه‌وه پێکدێ.
بۆ ئه‌وه‌ی به‌رد له‌مێشکیدا نه‌بێته‌سنور و زوبانی نه‌بێته‌ته‌خته، له‌پێناوی ئه‌وه‌ی به‌مرۆڤیکی سه‌رکراوه‌بمێنیته‌وه، واز له‌په‌رژه‌وه‌ندی خودیی ده‌هینێ وه‌له‌بری ئه‌وه‌ی ببێت به‌سه‌فیر یان له‌سلکی دیپلۆماسیه‌ت کاتبه‌رێته‌سه‌ر له‌ژورێکی بێواتا دابنیشێ سوجده‌بۆ خۆی به‌رێ ، به‌گرنگ وپیویستی زانی لهدوی خولیاکنیدا بگه‌ڕی و واتا بدا به‌و هێزه‌‌ی که‌ده‌یبه‌ستێته‌وه‌به‌ژیانه‌وه. ژیانی نو‌سین ، گو‌ێگرتن ، نزیکبونه‌وه له‌وه‌ی ده‌نگی ناگاته‌یه‌کێکی دی، له‌پرسیاری مندالێک ، له‌ئاره‌قی نێوچه‌وانی کرێکارێک،له‌بوتلی خاڵیوه‌بوی کڵۆڵی شارێک . بۆ یه‌کیتی دروستکردنێک له‌گه‌ڵ ئه‌نجامه بێهوده‌کانی ژین و بون دور له‌فرمێسکی بێچاره‌یی بو‌نگه‌ری . به‌ڵام ئه‌م وازی له‌به‌رد نه‌هانی . شاخ و کێو بوه‌‌سنورێکی شاعیرانه‌و بێچارانه‌بۆی ، شوێنی جه‌سته ونیشگه‌ی وه‌ڵامی گره‌وه‌کانی.
كرێکار له‌کۆمپانیای فیات. شۆڕشگێڕ ساڵانی هه‌فتا له‌بزوتنه‌وه‌ی ( خه‌باتی به‌رده‌وام) ، له‌گه‌ڵ ئه‌دریانۆ سۆفری ،ئێڕی دیلوکا ، به ده‌سته‌زبره‌که‌ی که‌لم و چیمه‌نتۆ سوتاندبوی له‌کاتی کرێکاریدا ، پێنوسه‌که‌ی ده‌خاته‌وه‌سه‌ر کاغه‌زو چیرۆک و شیعرو رۆمانه‌کانی ده‌نوسێ ، نه‌ک لهدوی ناوداری بگه‌ڕێ به‌ڵکو وه‌کو پێداویستیه‌کی گیانیی ده‌یه‌وێت واتا بدات به‌و شتانه‌ی که‌خانه‌نشینن له‌ده‌رونیدا وه‌ک ئه‌م پارچه‌شیعره‌ی خواره‌وه .
لام به‌نرخه‌هه‌مو شێوه‌یه‌کی ژیان، به‌فر، شلیک، مێش .
لام به‌نرخه‌مه‌مله‌که‌تی کانزا، کۆمه‌ڵه‌ی ئه‌ستیره‌کان.
لام به‌نرخه‌مه‌ی له کاتی خواردندا ، زه‌رده‌خه‌نه‌یه‌کی بێهۆ.
ماندوبونی یه‌کێک و له‌خۆبوردنی، ئاشقێتی دو پیر .
لام به‌نرخه‌ئه‌وه‌ی سبه‌ی هیچ ناهینێ ، ئیمرۆش نرخی زۆر که‌متره .
لام به‌نرخه‌هه‌مو زامێک.
لام به‌نرخه ئاو به‌فیرۆ نه‌درێ ، پینه‌کردنی جوتێ پێڵاو.
بیده‌نگبون له‌کاتیخۆیدا، به‌ده‌نگه‌وه‌چونی هاوارێک. بوترێت ببوره پێش دانیشتن .
هه‌ست به‌چاکه‌بکه‌یت بێئه‌وه‌ی بزانیت بۆ.
لام به‌نرخه‌له ژورێکدا بزانیت سه‌رو کوێ که‌وتوه.
چی ناوێکی هه‌یه‌ئه‌و بایه‌ی جله‌کان وشکده‌کاته‌وه.
لام به‌نرخه‌سه‌فه‌ری گه‌ڕۆکێک ، خۆشاردنه‌وه‌ی راهیبه‌یه‌ک.
چاوه‌نواڕی تاوانبارێک، هه‌رچیه‌ک بێت تاوانه‌که‌ی.
لام به‌نرخه‌به‌کار هێنانی کرداری خۆشه‌ویستی ، بۆچونیک که‌بونی خالیقێکمان پێبڵێ.
زۆر له‌م نرخانه‌م نه‌زانیوه.
ئۆپیرا له‌سه‌ر ئاو، هه‌ندێ شیعری دیکه‌ش.
ئێڕی دیلوکا خه‌ڵکی شاری ناپۆلییه‌له‌ئیتاڵیا ، ئه‌گه‌ر چی سه‌رو سیمای زیاتر له یه‌کێکی سه‌روی ئه‌وروپا ده‌چێ، به‌ڵام له‌قسه‌کردنیدا سوێری لمی ده‌ریای ناپۆلی و ئه‌رکیۆلۆژی لمه‌سوتاوه‌که‌ی شاری پۆمپه‌ی پێوه‌دیاره : ئه‌و شاره‌ی که‌سالی 79 پیش زاینی ڤولکانی لوتکه‌ی ڤیزوڤیۆ ههمو دانیشتوانی ئه‌و شاره‌ی کرده‌په‌یکه‌ری خۆڵه‌مێش وه‌تاکو ئێستا هه‌ندێکی به‌و شیوه‌یه ماون. بۆیه، ڕه‌نگه ، ئه‌م شیعره‌ی به‌سه‌ر دایکیدا به‌م‌شێوه‌یه‌هه‌ڵبه‌ستوه.
له‌تۆدا سپێنه‌و هێلکه‌و ماسی بوم،
سه‌رده‌مه‌بێ سنوره‌کانی زه‌وی بوم،
له‌نیو ڕه‌حمتدا په‌ڕیمه‌وه،
له‌ده‌ره‌وه‌ی تۆ رۆژگار ده‌مژمێرێ،
له‌تۆدا له‌خازه‌وه‌بوم به‌په‌یکه‌ره‌ئیسک،
میلونێ جار خۆمم گه‌وره‌کرد،
له‌ده‌ره‌وه‌ی تۆ پیگه‌یشتنم ئێجگار که‌م بو،
توێکڵی پڕێتی تۆیان لێکردمه‌وه،
بێئه‌وه‌ی بۆشایت تیادا دروستکه‌م ،چونکه‌بۆشاییم
له‌گه‌ڵ خۆمابرد.
به‌ڕوتی هاتم، منت پۆشی
ئاوه‌ها فێری ڕوتی وشه‌رم بوم
فێری شیرو بێ شیریبوم
ههمو وشه‌یه‌کت خسته‌ده‌ممه‌وه
به‌که‌وچک، ته‌نها وشه‌یه‌ک نه‌بێ : دایه.
ئه‌مه‌کۆرپه‌دروستی ده‌کات به‌لێکدانی هه‌ردولچی
ئه‌مه‌کۆرپه‌فێرت ده‌کات.
له‌تۆوه‌ده‌نگی شوێنی خۆمم وه‌رگرت،
گۆرانی و، جوێن و خواحافزی،
له‌تۆوه‌گوێم له‌یه‌که‌م کتێب بو
به‌ده‌م گرانه‌تاوه
یارمه‌تیمدای بڕشێته‌وه، پیتزا سورکه‌یته‌وه
نامه‌یه‌ک بنوسی، ئاگرێک خۆشکه‌یته‌وه،
یاری به‌وشه‌بکه‌ی ، مه‌یم بۆ تێکردی ، مێزه‌که‌م بۆ کردی به‌په‌ڵه.
منداڵی خۆمم نه‌خسته‌سه‌ر ئه‌ژنۆت
نه‌مهێشت له‌ده‌رگه‌ی زیندان بده‌یت ، جارێ نا،
له‌تۆوه‌فێری ته‌عزێ بوم، کاتی ئه‌وه‌هاتوه‌بڵێین ئیتر به‌سه،
له‌باوکت ده‌چوم،به‌ڵام بۆ براکه‌ت خوشکه‌زانه‌بوم.
چاوه کاڵه‌کانم له‌تۆوه‌بۆ ماوه‌ته‌وه، نه‌وه‌ک قورساییه‌که‌ی
له‌تۆ ههمو شتێکم شارده‌وه.
سوێندمخوارد جه‌سته‌ت بسوتێنم
نه‌یده‌م به‌زه‌وی بیده‌م به‌ئاگر
برای ئه‌و ڤولکانه‌ی که‌خه‌وی ده‌زڕانین
فڕێده‌ده‌مه‌ناو هه‌وا پاش تۆفه
له کاتی گه‌یشتنی په‌لکه‌زێڕینه
که‌هه‌ردو چاوتی ئه‌بڵه‌ق ده‌کرد
پێچه‌وانه‌ی یه‌ک . شیعر
