ئه‌م به‌يانيه..خه‌به‌رم بوه‌وه،، له‌سه‌رمێزێکی سپی به‌ديار چه‌پکه گوڵی شه‌وه‌زه‌نگه‌وه دوا په‌ڵه‌ی بارانی ئه‌شکم هه‌ڵڕشت وپه‌يمانم دا ئيتر به‌گوێی دڵم نه‌که‌م, لێره ئه‌وه منم ،نامۆی دوره وڵات ئاپوره‌ی غـــــــه‌م خۆی خزاندۆته زامه‌کانمه‌وه هێنده داڵده‌ی په‌ژاره‌م دا،پێم وابووڕۆحم چوستده‌کاته‌وه،بۆيه ده‌گريام،تا بارانی ئه‌شک په‌ڵه به‌هاوڕێيه‌تيمان بدات ،ده‌چومه به‌ر باران تاساتێکيش بێت هه‌ڵمێ له‌گيانم هه‌ڵسێ وله‌م ئازارانه‌م که‌م کاته‌وه،به‌ڵام خۆمن ئه‌فريدگارنيم تافريادڕه‌سی خۆشيه‌کانتانبم..هه‌موو غه‌مه‌کانتان به‌کۆڵی منه‌وه بێو..
خودا ئێوه‌ی خستبێته قوژبنی خۆپه‌رستيه‌وه ئيتر ئێوه شه‌يتانی دۆزه‌خ و ڕۆحتان له‌نێو ده‌می ئاگردايه‌و.منيش له‌م بيابانه ساردوسڕه نيگه‌ران نيم..هۆ هاوڕێانی دوای غه‌مه بێ کۆتاکانم.. هه‌ر دوای ئازاره‌نه‌مره‌کان ده‌بينم په‌نجه‌م له‌قه‌ڵه‌مێک ئاڵاوه..ئه‌مڕۆ ئيتر بۆنی قه‌ڵه‌م ده‌که‌م.. دێڕێ ده‌نوسم وبۆدێڕێکی تر سه‌رم ده‌نێم به‌لای قه‌ڵه‌مه‌که‌مه‌وه..ئه‌ها قه‌ڵه‌م بۆته خه‌نجه‌رو له‌دڵی وشه‌می ده‌نێم ڕسته‌کان هه‌نجن هه‌نجن ده‌که‌م..هاوڕێکانم ده‌که‌مه ئه‌کته‌ری سه‌ره‌کی باسه‌که‌م ،ياده‌تاڵه‌کانيش ده‌که‌مه‌به‌رگی خامه‌که‌م وسه‌رنوسه‌ره‌که‌ش ده‌که‌مه ئه‌هريمه‌ن..ئا هاوڕێيان ئه‌وا(30)ساڵ له‌ته‌مه‌نم ده‌سڕمه‌وه،سی ساڵ ده‌نیمه دووتویی يادنامه‌ی بيرچونه‌وه‌م به‌نديان ده‌که‌م کۆت وزنجيری قه‌ده‌ريان لێ ده‌به‌ستم..وا قه‌ده‌رێ له‌ته‌مه‌نی ساردوسڕم ده‌که‌مه قوربانی يادو بيره‌وه‌ريه‌قه‌شه‌نگه‌کان ئه‌که‌مه خه‌ونێک،له‌سه‌رپه‌ڕه‌کانی تراويلکه فويان لێ ده‌کــــــــه‌م له‌ناوی ده‌ريای ڕه شــدا،حه‌زوئاره‌زوه‌کان نوقم ده‌که‌م،ئه‌ويادانه له بن گۆم ده‌نیم،ئه‌وه ده‌زانم که ئێستاکێ شه‌پۆلی ڕه‌ش ياری به‌وشه‌کان ده‌کات ..به پـــۆشـــاکی ليــته دايان ده‌پۆشێو به‌په‌يژه‌ی دڕکپۆشدا ڕوه‌ودۆزه‌خ ئۆغر ده‌که‌ن..له ڕۆژێکدا که‌ئاگربارانه ئێوه بۆ دونيای په‌شيمانی سه‌فه‌ر ده‌که‌ن..منيش رۆحی نه‌بينراوم له‌ئاسمانی به‌ريندا له‌گه‌ڵ گشت فريشته‌کاندا ده‌بينمه‌وه خه‌ريکی سه‌ماکردنن،غه‌مم بوو جارێکی دی باسکم بکه‌مه سه‌رينی وشه‌کانتان ،غه‌مم بوو خوێن به‌رو خوێن هێنه‌رم بکه‌مه‌جۆگه‌له‌ی غه‌مه‌کانتان..نا ئيتربه گوێی دڵم ناکه‌م سه‌دان پێک له چاوی وونبونتان هه‌ڵئه‌ده‌م..هۆنراوه‌ی جوان بۆ يادی بير چونه‌وه‌تان ده‌نوسم،،ده‌يانکه‌مه په‌يڤی ڕه‌نگاڵه‌و له‌گه‌ردنی هاوڕێيه‌تی ده‌نێم،،له گه‌ڵ دوابزه‌ی دوريتاندا بيرمه شه‌وانی تاريکی ئێوه‌م پر له مرواری گرانبه‌هاده‌کرد.من بووم هه‌ناسه‌ی ساردی ئێوه‌م به‌سۆزی ده‌نگی خۆم گه‌رم ده‌کرده‌وه،ئه‌وه من بووم زستانی پڕله کڕێوه‌م پڕ له‌شنه‌ی باوشه‌ماڵی بۆن به‌گووڵ ده‌کرده‌وه،هه‌ر منيش بووم وه‌ک ماسی خۆم هه‌ڵدايه‌وشـکانی..وڵاتی ئاوم جێهێشت،،له‌نێوگه‌ڵاڕێزانه‌وه ده‌هاتمه‌وه به‌باوه‌شێک لق وچڵی سه‌وزه‌وه،ده‌ماڵئاوا بۆ دواجار ماڵئاوا ئيتر به‌بێ ده‌نگ ده‌خه‌وم وچاولێکده‌نێم به‌وشه‌ی جوان پشه پشه،بۆهه‌نسکی دڵم و فرمێسکی چاوم وهه‌ناسه‌ی گه‌روم ئه‌که‌م وشه‌سه‌رسامه‌کان ده‌هۆنمه‌وه ملوانکه‌ی قه‌شه‌نگ ده‌که‌مه ملی ته‌نيايم ..ژيان ده‌که‌مه ژوانێک تا يادگاريه‌کانی ئێوه‌ی به‌سه‌ردا بپه‌ڕێنمه‌وه وڵات له‌نامۆيی دوره‌وڵاتی ده‌سڕمه‌وه لانه‌يه‌ک بۆئه‌وينی پاک وبێگه‌ردی خۆم به‌پوش وپه‌ڵاش وهه‌ستی ناسک ..په‌يڤی هه‌نگوينی ئه‌هۆنمه‌وه ياده‌کانيش وه‌ک خورپه‌کانی دڵم گوێبيست ئه‌بن تا ئيتر هه‌رگيزاو هه‌رگيز ڕه‌نگ وده‌نگی ئێوه له‌ناخی دڵمدا نه‌ژێته‌وه..دڵنيابن ژيان قه‌ده‌ره‌و ياده‌کان له‌چوارچێوه‌ی په‌نجه‌ره‌يه‌ک ئه‌گرم که‌بڕوانێته سه‌رئه‌ودارستانه‌ی که پڕيه‌تی له‌گورگ و ئاژه‌ڵه‌دڵبه‌ردينه‌کان..دواجار دڵم ده‌شۆمه‌وه به‌م سرودانه..نه‌فره‌ت له‌وڕۆژانه‌ی که‌بزه‌و ئه‌شکم له‌گه‌ڵتان تێکه‌ڵ ئه‌بوو..له‌و ساتانه‌ی که‌گيانبه‌خش ده‌بووم بۆتان..له‌وچرکانه‌ی گوێبيستتان بووم نه‌فره‌ت نه‌فره‌ت ..نه‌فره‌ت..بڕۆن ئێوه دۆڕان و باچيتر وشه‌وێڵ وسه‌رگه‌ردانه‌کانم له گوناه وتاوانتان خۆش نه‌بێ..ئۆخه‌ی دوایی هات به‌داستانه‌کانی ئه‌فسانه.
هاوسه‌ر جه‌لال
