دایکی ملیۆنه‌ها کچه ئه‌ستێره و
باوکی تاریکی و
تیشیکی زێوینی مانگه شه‌و
***
خه‌ڵکی شه‌و
هه‌ڵبه‌ست ده‌هووننه‌وه
به وێنه‌ی ملوانکه و
پێشکه‌شی ده‌که‌ن
به دڵدارانی شه‌و
***
خه‌ڵکی رۆژ
زمانییان ، تیژتره تیژتر
له کێردی قه‌ساب
به پێنووسه‌کانیان
فیتنه‌یی ده‌نووسنه‌وه
به بێ حیساب
***
تۆ نه‌بای ئه‌ی شه‌و
بۆ کێم بدرکانایا
ئه‌م باره خه‌مه‌ی
چه‌نده‌ها ساڵه
قه‌تیس ماوه
وه‌ک ده‌ریایه‌کی مه‌نگ
له‌ناو دڵمدا
Discussion about this post