ئه‌مشه‌و که‌مانگ زانی

ئه‌م شه‌وکه‌مانگ  زانی
لێك تۆراوین چراخانی کوژانده‌وه‌
ئاسمان به‌بێ ئه‌ستێره‌ده‌رکه‌وت
مانگ سکی ئه‌ستێره‌ی پڕنه‌کرد
منیش که‌ خه‌ونم لێ بۆته‌
سیمبۆلی ئه‌وین‌
شه‌وانه‌ سیحری چڕینی
ئیشقم فێر ده‌کا
که‌چی ئه‌م شه‌و
به‌بێ تریفه‌ی مانگه‌ شه‌و
به‌بێ سه‌مای ئه‌ستێره‌کان
له‌خه‌ونێکی تژی کابووس
به‌دامێنی خۆشه‌ویستی
تۆفانته‌وه‌هه‌ڵواسرابووم
له‌هه‌ڵچونی شه‌پۆلتدا
زمان کورتووکه‌ڕولاڵ بووم
نهێنی ئێشووژان فێرده‌بووم
ئه‌م شه‌و
له‌ناودارستانێکی چڕوپڕی بێ ده‌نگدا
هه‌مووقولایی ڕۆحی تۆم ده‌بینی
له‌ته‌ك داربه‌ڕوه‌شاره‌زاوپیره‌کان
که‌نیشانه‌ی دادوه‌ری بوون
شایه‌دی گریانی ئێمه‌بوون
له‌ژێر دڵۆپه‌ی مه‌ی  دارترێکان
که‌چاوی مه‌ستمان ده‌نووقاند
دڵنیابووم له‌ گڕی
جه‌سته‌ی هه‌ردووکمان
که‌بۆخۆشه‌ویستی یه‌کترده‌سووتاین
له‌ ژێرزمانی
دارزیتوونه‌ ڕاست گۆیه‌کان
لاناودارستانی تاریکستانی ئه‌م شه‌وه‌
که‌بڕیاری کوشتنی مێرووش تاوانه‌
له‌وێ فڕێدرامه‌ ناوتوتڕکه‌کانی
ژێربه‌فرێکی په‌مه‌یی
هه‌مووهه‌ناسه‌ی په‌یمانی ئه‌ڤیینمان
له‌ناوبوومه‌له‌رزه‌ی دڵم له‌ژێربه‌ردوگڵی
خۆشه‌ویستیت تێك شکابوو
له‌ژێرکراسه‌حریره‌سپیه‌که‌ی
بوکێنیت سپی تر له‌به‌فر
ئاخم بۆ دیوه‌خانی ئیشقت ده‌کێشا
له‌ ئاهه‌نگی هیجره‌تی تۆ
که‌ڕاپه‌ڕیم هه‌تاوتم دیت
ده‌رگای دڵمی ده‌کرده‌وه
به‌ده‌نگێکی تژی ناسك
ووتت ناڕۆم واهاتمه‌وه…‌