ڕه‌وه‌ندی کوردی له شاری دێلفت وه‌ک نه‌ریتێکی ساڵانه له ڕۆژی یه‌کشه‌ممه 21.03.2010 ئاگری نه‌ورۆزیان له گۆڕه‌پانێکی ئه‌م شاره به ئاماده‌بوونی سه‌دان کورد و عه‌یره کورد داگیرساند. سه‌ره‌تا به چه‌ند ووتارێک و دواتریش به سروودی نه‌ورۆز گڕی ئاگر کلپه‌ی سه‌ند و ئاماده‌بووان به چه‌پڵه‌لێدان و زه‌ماوه‌ند له ده‌وری ئاگر ساتێکی خۆشیان به‌سه‌ربرد. دوای دوو کاتژمێر سه‌رجه‌م ئاماده‌بووان به پێ به‌ڕێوکه‌وتن به‌ره‌و هۆڵی ئاهه‌نگ که چه‌ند سه‌د مه‌ترێک له‌م گۆڕه‌پانه دوور بوو. له‌وێش ئاهه‌نگ درێژه‌ی پێدراو هونه‌رمه‌ند نیاز شه‌یدا تا دره‌نگانی شه‌و به چه‌ندین گۆرانی هه‌ڵپه‌ڕکێ به‌رده‌وام بوو. کامیرای چرا له‌م ڕۆژه ئاماده‌بوو توانیمان زۆربه‌ی دیمه‌ن و هه‌ڵپه‌ڕکێکانتان بۆ تۆمار بکه‌ین. لێره‌دا ده‌ست خۆشی له کۆمه‌ڵه‌ی کوردی شاری دێلفت ده‌که‌ین بۆ به‌ڕێوه‌بردنی ئه‌م ئاهه‌نگه. ئه‌وه‌ی شایانی باسه ئاماده‌بوون له‌م ئاهه‌نگه به خۆڕایی بوو به بێ به‌رامبه‌ر.
