ئاوێزانم که

نووسینی سارا عومه‌ر ، دانمارک
ڕێکه‌وتی 12/5/2006

له‌ قورئانی یاده‌کانتا ئاوێزانم که

به‌ ته‌نها ئایه‌تێک

پیرۆزم که‌ و

بمنووسه‌وه‌

خۆ من کچی نێردراوێک نیم

له‌گه‌ڵ ڕۆحیانه‌ته‌که‌م

چمکی به‌ڕماڵه‌که‌ت بگرم و

له‌ به‌رپێتا کڕنوشت بۆ به‌رم

خۆ هه‌رگیزیش نابمه‌ ژنه‌ پێغه‌مبه‌رێک

له‌ قاپی خودادا

ناڵه‌ ناڵ

بۆت بپاڕێمه‌وه‌

چاوه‌ڕوانیش نه‌بیت

ده‌روێش ئاسا

له‌ ته‌کی باخچه‌که‌تدا

زکری عه‌شقت بۆ بکه‌م

تا خوا لێت خۆش بێت

تۆ

که‌ شێخی بێ ناونیشان بیت و

منیش

كچێکێ هه‌ست جێماو

که‌ی ڕه‌وایه‌ بۆ یه‌ک ببین

که‌ی ڕه‌وایه‌ …. بۆ یه‌ک ببین

ده‌سا ئاوێزانم که‌

تا له‌گه‌ڵ تاڵی قاوه‌که‌مدا

بتکه‌مه‌ شه‌کری خۆشه‌ویستی و

بتنۆشمه‌وه…. بتنۆشمه‌وه‌‌