هه‌ردوو هونه‌رمه‌ند هێمن حه‌مید وه ڕێبین مه‌جید له‌لایه‌ن ڕێکخراوی ئارت رۆل له به‌ریتانیاوه بانگهێشت ده‌کرێن. ئه‌م ڕێکخراوه گرنگی به گۆڕینه‌وه‌ی کولتووری نێوان ڕۆژئاواو ڕۆژهه‌لات ده‌دات. له په‌یوه‌ندیێکی تایبه‌ت به چرا ده‌رباره‌ی ئه‌م بانگهێشت و به‌شداریه‌ی هونه‌رمه‌ندان ئاگادار کراینه‌وه که هونه‌رمه‌ند هێمن حه‌مید بۆ ماوه‌ی مانگێک له یۆرکشێر سکولته‌ر پارک بانگهێشت کراوه له ڕێگای وۆرک شۆپه‌وه لێکۆلینه‌وه ئه‌نجام ده‌دات له سه‌ر هونه‌ر له به‌ریتانیا وه ئه‌م شوێنه‌ی خۆی لێیه‌تی، ئه‌م شوێنه‌ش گرنگی ده‌دات به په‌یوه‌ندی نێوان هونه‌ر و سروشت، پاش ته‌واوبوونی کاره‌که‌ی له شوێنی سیمیناره‌که نمایشێک پێشکه‌ش ده‌کات.
ده‌رباره‌ی هونه‌رمه‌ند ڕێبین مه‌جید له‌لایه‌ن ئارت ئه‌دمین ، لایف ئارت دیڤۆلۆپمێنت ئه‌جێنسی بۆ ماوه‌ی مانگێک بانگهێشت کراوه. به‌ڕێزیشیان له ڕێگای وۆرک شۆپه‌وه لێکۆڵینه‌وه‌کانی له‌سه‌ر هونه‌ر ده‌ست پێده‌کات، دواتر چه‌ند سیمینارێک ڕێکده‌خرێت و هونه‌رمه‌ندانی بۆ بانگهێشت ده‌کرێت بۆ ئه‌وه‌ی باسی ئه‌و کارانه‌ی له‌نده‌ن و کاره‌کانی پێشوویان بکه‌ن.
به هیوای مانه‌وه‌یه‌کی به‌سوود و سه‌رکه‌وتوو بۆ هه‌ردوو هونه‌رمه‌ند.
