دوعا ئه‌که‌م
که پایز جه‌سته‌ی خۆی مراند
که زستان به‌فری نه‌وه‌راند
من پایزێ بم گه‌ڵاکانت کۆکه‌مه‌وه
من زستانێ بم
به‌فرت له ئاسمان بۆ به‌ربه‌مه‌وه
دوعام ئه‌کرد که هه‌موو شه‌وێ
ده‌ستم په‌رژینی ژێر سه‌رت بێ
و
له ئارامی هه‌ستمدا خه‌وت لێ که‌وێ
دوعام ئه‌کرد له گه‌رمای هاویندا
هه‌ناسه‌ی شنه‌یه‌ک بێ
له ژێرشنه‌ی شنه‌دا
جوانیه‌کانت ده‌رکه‌وێ،
من ئێستا له‌و قه‌ره‌جستانه
ته‌نیا هه‌نگاوئه‌نێم
من ئێستا له‌و غه‌مستانه
ته‌نها منم له‌گه‌ڵ غه‌م ئه‌دوێم
هۆ هاوڕێکه‌ی شه‌قامی زانکۆم
هۆ ئه‌ستێره‌که‌ی شه‌وانی به ئاسۆم
بۆ کۆچت کرد
بۆ جێت هێشتم
بۆ کردت ماڵاوایی
بۆ فرمێسکت پێ ڕشتم
تا کۆتایی
ئاخر ئه‌زانی
له‌و گه‌ردوونه
یه‌کێ بدوێ بۆڕازه‌کانی
یه‌کێ بسوتێ بۆ ڕاستیه‌کانی
ئه‌وه منم
بۆ کۆچت کرد؟؟
نه‌تئه‌زانی که کۆچت خۆشی له دڵما ئه‌سڕێته‌وه
بۆ کۆچت کرد ؟؟
نه‌تئه‌زانی که کۆچت به ئه‌سرین هه‌مووی ژیانم ئه‌نوسێته‌وه
؟؟؟
هاوڕێ ڕه‌ش
3.3.2011
