نورى کاکە خان هونەرمەندێکى بێور و بە توانا لە بوارى هونەرى نواندنداو خاوەن تواناو سەلیقەیەکى هونەرێکى خویشەویستى بینەرى دراماى کوریدییە و سەرەتایى ئاوێتە بوونى بۆ ناو دنیاى هونەرى نواندن بۆ ساڵى 1980 دەگەرێتەوە بەشدارییەکانى بریتین لە ( بوکى ژێر دەوارى ڕەش ،خانزاد ،ئەنگوستیلە ،کلکۆیى تازەى لەیل ، کڵولەکان، خولە پیزە ،یاداشتەکانى سولتان مەحمود،جومعە ،گەڵە بێ رۆژەکان،سەنفۆنیاى مەرگ ، شوانی بۆ خۆشەویستى) و چەندینى تر بۆیە ئێمە وەک گوڤارى گوڵان بەم شێوەیە هونەرمەندمان بەسەر کردوە و هاتە ئاخاوتن
لەسەرەتادا هونەرمەند نورى کاکە خان بەم شێوەیە هاتە ئاخاوتن و گوتى سوپاس بۆ ئەم دەرفەتەى گوڤارى گوڵان من نورى کاکە خان لە ساڵى 1957 لە گەرەکى کانیسکانى شارى سلێمانى هاتوومەتە دنیاوە لە خانەوادەیەکى هەژار کە پێکهاتووین لە چوار براو پێنج خوشک بەڵام من راستگۆیانە دەدوێم لەبەر ئەوەى خانەوادەکەمان هەژار بوون رۆژنە دواى خوێندن دەبوایە بچووینایە شتى دەتگێریمان بفرۆشتایە ئەوە واى لێکردم کە لە بوارى خوێندندا فەشەل بهێنم بەداخەوە ئەوە هوکارێک بوو بۆ ئەوەى من نەتوانم دراسەم تەواو بکەم بەڵام من پشت بەخوا لە بوارێکى تردا خۆم دۆزییەوە ئەویش بوارى هونەربوو کە ساڵى حەفتاکان باوکم دەستى دەگرتین دەچووین لە سینەما سەیرى نمایشى فلیمان دەکرد و کە ئەو کاتە لە سلێمانى شەوانە نمایشى فلیم بۆ دانیشتوانى شار دەکراو زۆرێک لە خێزانەکان تەماشاى ئەو نمایشانەیان دەکرد ئێمەش لەو خانەوادەیە بووین کە باوکم مانگانە دەبردین بۆ سەیرى نمایشى فیلم لەو کاتەوە من ئەو حەزەم چرۆى کرد بۆ هونەر و کارى دراما وە ئاواتم ئەوە بوو رۆژیک بچمە سەر شاشەى تەلەفزیون و منیش بتوانم رۆڵ ببینم ئیتر ئەو کاتە من زۆر جار دەچووم لەگەڵ منداڵەکانى گەرەک دەورمان دەبینى و کارى شانۆیمان ئەنجام دەدا ئەوەى شایانى باسە باوکم زۆر تەشجیعى من بوو بۆ هونەر و وە زۆر حەزى بە کارى هونەرى دەکرد ئەمەش زۆر کاریگەرى لەسەر من هەبوو بۆ خزمەت کردنى من لە بوارى هونەریدا ئیتر ئەبوو لە ساڵى 1980 لەگەڵ هونەرمەند عومەر چاوشین کە هاوڕێ کاکم بوو پێم گووت کاک عومەر من زۆر عەز بەکارى تەمسیل دەکەم ئیتر ئەویش ووتى زۆر چاکە بچۆ بۆ تیپى نواندنى کریکارانى سلێمانى و پاشان بەشداریم کرد لە مهرەجانى بەهارى خوێناوى لە شارى بەغداد کە نمایش کراو پلەى سێهەممان بە دەست هێنا ئەمەش یەکەم کارى هونەرى من بوو وە تائەمڕۆش ئەتوانم بلێم من دانەبڕاوم لە هونەر و کارى نواندن .
پ)هەمیشە باسى سەرکەوتن و پێشکەوتنى هونەر دەکرێت لە ساڵانى هەشتاکان تۆ تا چەند لەگەڵ ئەمە هاوڕاى ؟
هەستاکان زۆر جیاوازى هەیە لەگەڵ ئێستا کە ساڵى 2009 ە بۆ نمونە ئێمە شەوێک لە ژیانى خانزادمان ئەنجام دا کە کارێکى ئەتوانم بلێم زۆر سیاسى بوو وە باسى ململانێى نێوان دەستەڵاتى کورى و رۆم و عەجەم و ئەوانەى چ پیلانێکیان دادەڕشت بۆ شکست هێنانى میللەتى کورد کە من لە کارە کەسایەتى حسێنى عەجەمم دەبینى لەو کارەدا کە دەڵیت کەلە سەرەکەى بەرن بۆ قامیشلى و دەستێکى بۆ پرى دەلال و زاخۆ ئێمە لەو کارەدا هەر چوار پارچەکەى کوردستانمان دەستنیشان کردووەو وە بوکى ژێر دەوارى ڕەشمان ئەنجام دا کەمن رۆلى وەیسە دەبینم کە کەسایەتییەکى شەرەنگێز بوو باسى شەرى برا کوژى دەکەین واتە ئەو کاتە تەواو ئێمە خولیاى بەدى هێنانى ئازادى ئامانجەکانى گەلى کورد بووین راستە جاران عەولەمە کز بوو بەڵام ئێمە لەگەڵ کارى هونەردا پەیامێکمان هەبوو ؟
پ)جاران هونەر پەیامێک بوو بۆ خەبات و قوربانى دان ئەى ئێستا پێت وایە هونەر چ پەیامێکە ؟
دەبێت ئەمرۆ هونەر رەخنە لە دەسەڵات بگرێت ئێمە کە خاوەن دەستەڵاتێکى کوردین چەند کەم و کوڕى هەبێت ئێمە ستایشى ئەو دەستەڵاتە دەکەین ئێستا دەبیت کار بکەیت بۆ ئەوەى وەزیرێک کە هەڵەى هەیە بە خۆیدا بچێتەوە ئێستا دەبێت هونەرى کوردى کەم و کوڕییەکانى دەستەڵات و خەڵک بخاتە ڕوو ئەوە نەبێت دەستەڵات کەم و کوڕى هەبێت و خەڵک بێ کەم و کوڕى بێت خەڵکى وامان هەیە لە بازاڕ کە دەبە ئاوەکەى پێیە دەیخواتەوە ناچێت بیخاتە ناو زبڵدانەوە فڕێ دەداتە سەر زەوییەکە و شەقامە کە پیس دەکات لە کاتێدا دەبێت خەڵک لە خۆیەوە دەست پێبکات .
پ)بودجەیەکى زۆر بۆ کارو بارى هونەر لە لایەن حکومەت ودەستەڵاتەوە تەرخان دەکرێت بۆ هاوکارى هونەرمەندان تۆ تاچەند پ)پێت وایە ئەم هەنگاوە شوێنى خۆێى گرتووە ؟
هەندێ جار هەنگاوەکە شوێنى خۆێى دەگرێت و هەندێک جاریش نەخێر لیرەوە من دەلێم پیویستە کە وەزارەتى رۆشنبیرى فلتەرێک دابەنێت یان لیژنەى پسپۆرى هەبێت بۆ هەموو بوارەکان بە مەبەستى بەرەو پێش بردنى هونەرى کوردى جیا کردنەوەى کارە باشەکان لە کارە خراپەکان نەوە ک وەک ئێستا ئەرشیفى درامایى کوردى لە وەزارەتى رۆشنبیرى زۆرەو کەچى زۆریکى عەرز نەکراوە لەبەر کەم و کورى هیوام وایە ئەم کێشەیە چارەسەر بکرێت بەداخەوە پێشتر لیژنە هەبووە لە وەزارەتى رۆشنبیرى بەڵام لیژنە کە پرۆڤیشناڵ نەبوون
پ)ئایا تۆ پێت وایە شانوێى کوردى تۆشى داڕمان هاتووە یاخود بینەرى شانۆیى کوردى ؟
من دەلێم شانۆیى کوردى لە قەیراندایەو نە دەلێم بینەرى شانۆیى کوردى چونکە ئەگەر تۆ کارێکى باش پێشکەش بکەیت ئەوا بینەریش تەماشایى کارەکەت دەکات مەرجیش نییە جارى وا هەیە تۆ کارێکى جاد پێشکەش دەکەیت بە دوو رۆژ (60)کەس ئامادە نابێت بەڵام بۆ کارێکى کومیدیا قاعە کە بەرناکەوێت لە بەر خەڵک بە هەر حاڵ من پێم وایە ئیستا بینەرى شانوى ساڵانى هەشتاکانمان نییە .تەکنەلۆژیاش لە سەر ئەم مەسەلەیە رۆڵى خۆیى هەبووەو هەیە
پ) ئیستا وا خەریکە سلیمانى هۆڵى سنەمایى تیدا نامێنىً هولەَکان هەمووى دەروخێنرێن و دەکرێنە باڵەخانە کەچى لە ووڵاتانیش پیشکەوتن بەندە بە پێشکەوتنى سینەماوە تۆ لەم بارەیەوە چى دەڵى ى ؟
ئەرکى وەزارەتى رۆشنبیرىییە پەرە بە هوڵى سینەماى بەردەوام بدات سەدان فەرمانبەر هەیە لە دائیرەکەى خۆیدا بەیانیان بەبێ کار دەچێتە سەر کارەکەى و ئیزایەک دەکات و دەڕواتەوە کە من پێم وایە تاحەقیان نیە لەبەر ئەوەى هەندێ جار کورسیشیان نییە دابنیشن . ئەگەى وەزارەتى رۆشنبیرى حکومەتى هەرێمى کوردستان لە هەر شارێک سینەمایەکى نمونەیى بکاتەوە و فلیمى پرۆڤیشنال بهێنن بۆ نمایشکردنى نەوەک وەک ئیستا لەگەڵ ڕٍێزمدا سینەماکانمان فلێمێک نمایش دەکەن کەتەربەووى نین جاران لە زەمانى ڕژێمدا هەموو فلیمێک کە نمایش دەکرا دەبوایە لە لایەن وەزارەتى رۆشنبیرى بەڕیوەبەرایەتى سینەماوە ببینرایە و سانسۆرى دەخستە سەر هەموو ئەو بەرهەمانەى کە کارێى ناجۆرى تیابوو کەچى ئیستا هیچ رەقابەیەک نیە کوڕەکەى من کە تەمەنى 12 ساڵە گوناهى چییە کە جەژن دەچێتە سینەما شتێکى ناجۆر نیشان دەدەن .””””””””بیر لەوە دەکرێتەوە سلێمانى بکرێتە پایتەختى رۆشنبیرى لە کاتێکدا هولێکَى سینەماى بەردەوامى لێنییە .
پ) کەناڵەکان بۆ شەوچەرەى رەمەزان دراما کوردییەکان نمایش دەکەن باشە پێت وا نیە گرنگە بەردەوام گرنگى بە دراما بدەن ؟
پێم وایە ئەمە هەڵەیەکى گەورەیە کە تەنها مانگى رەمەزان مانگى نمایش کردنى دراما کوردییەکانە دەبو هەوڵ بۆ ئەوە بدرایە کە کەنالێکى داراما لە کوردستان دابمەزرایە من ئەو پرسیارە دەکەم جمهوور گوناهى چییە لە دواى مانگى رەمەزان لە بەر بێ درمایى تەماشایى زنجیرە درامایى عەرەبى و تورکى و مەکسیکى دەکەن
پ)بەڕێزتان بەڕێوەبەرى هونەرى تیپى شانۆیى ئاشتین ئەرکو کارى ئەم تیپە ئیستا چییە و چ بەرنامەیەکى هەیە ؟
ئیستا سەرقاڵى وێنەگرتنى چیرۆکێکى کاک جەمال شەریف ین کە بەناوى ئەچم بۆ شار کە کارێکى کۆمیدییە وە کارێکى کاک بەهزاد جەلالیش لە پرۆژە و بەرنامەکانى ئەو تیپەیە .
دواین پەیامت چیە ؟
دوا لە حکەتى هەرێمى کوردستان دەکەم لایەک لە هونەرمەند بکرێتەوە نەوەک وەک ئەوەى کە هەر کە سێک لە سالانى شەستەکاندا تەپلێک یان زورنایەکى لێدابێت رێزلێنانى بۆ بکەن بەڵکو ئەوانەى بە کردار خزمەتى هونەریان کردووە هاوکارى بکرێت لایان لێبکرێتەوە
دیمانە : سۆران مارف کەریم
