ھونەرمەندی گۆرانیبێژ خۆشەوی ھیرانی لەدواین کاری ھونەریدا ڕایگەیاند کەلەئێستادا سەرقاڵی بەرھێمێکی گۆرانیە بەناونیشانی مەتەڵی عیشق کە لە تێکستی «یوسفی حەمە ڕەشید» و ئاوازای خۆشەوی خۆیەتی و موزیک و ئەرێنجی «ئەحمەد حاجتمند» و لە ستۆدیۆ «لایف» لە ڕۆژھەڵاتی کوردستان تۆمار کراوە کاری وێنەگرتنی بەرھەمە تازەکەی خۆشەوی ھیرانی لەلایەن «ناسڕی حەیدەری» وێنەی بۆ گیراوە کە لەچەند ڕۆژی داھاتوو وەک ڤیدیۆ کلیپ لەمێدیاکان بڵاودەبێتەوە.شایانی باسە خۆشەوی ھیرانی لە ساڵی 2003 یەکەم گۆرانی خۆی بڵاوکردەوە و لە ێستادا خاوەنی دوو ئەلبومی گۆرانیە و لەمساڵیشدا چەند گۆرانیەکی بەشێوازی سینگڵ تڕاک بڵاوکردەوە کە لەلایەن گوێگرانی میوزیکی کوردی پێشوازیەکی باشی لێکرا خۆشەوی ھیرانی بۆکارەتازەکەی گوتی ئەم بەرھەمەم جیاواز لەگەڵ کارەکەنی پێشوم کارم تیاداکردوە و شێوازی گۆرانیەکە پۆپ میوزیکەو یەکێک دەبێت لەباشترین کارەکانم ..
