Published On: Fri, Jun 22nd, 2012

بۆ بێده‌نگی

گه‌لاوێژ حه‌مه‌ قادر

ده‌ربه‌ندیخان

چه‌ند ڕۆژێکه‌ په‌روانه‌ی ڕۆحم

به‌ گڕی دووریت ئه‌سووتێ،

چه‌ند ڕۆژێکه‌ هه‌وری دییه‌م

بۆ دووریت فرمێسک ئه‌ڕێژێ،

چه‌ند ڕۆژێکه‌ بێده‌نگم و

خه‌نده‌ له‌ لێوم تۆراوه‌،

چه‌ند ڕۆژێکه‌ ماڵی دڵم

گریه‌ و خه‌می لێ ئاڵاوه‌،

چه‌ند رۆژێکه‌ بیر و هه‌ستم

لای ڕۆژانی ڕابردووه‌،

چه‌ند ڕۆژێکه‌ چاوه‌ڕوانم

گوێم بۆ چرپه‌ت ڕاگرتووه‌،

ده‌ تۆش هه‌سته‌ و بێده‌نگ مه‌به‌

با چیتر ڕۆحم نه‌سووتێ

بێده‌نگ مه‌به‌ و

هه‌ر هیچ نه‌بێ به‌ ئه‌لویه‌ک

سووتانی ڕۆحم خامۆشکه‌ و

دییه‌م پڕکه‌ له‌ ڕۆشنایی..

به‌ ئه‌لویه‌ک..

ئه‌م بێده‌نگییه‌م بهه‌ژێنه‌ و

دڵم پڕکه‌ له‌ ئاوازی شادمانی..

بێده‌نگ مه‌به‌ و هه‌ر هیچ نه‌بی

به‌ هه‌ناسه‌ و چرپه‌ی ده‌نگت

گریانم پێ فه‌رامۆشکه‌ و

گوێم پڕ بکه‌ له‌ گۆرانی

Comments

comments

Powered by Facebook Comments

About the Author

Copyright © 2012 www.chra.tv