Published On: Thu, Jun 21st, 2012

ئەڵێم برۆم لە شارەکەم

ئەڵێم برۆم لە شارەکەم

سۆزێک بۆ شاعیری رۆژ هەڵات

سوارە ئیلخانی زادە

باوکی دوین

ئەڵێم برۆم لە شارەکەم

بە دەرنمانی خەمی دووریت

عیلاجی کەم

نازی دڵە  ئاوارەکەم

منم بێ ئاولە کانیاوی

دیمەنی گوڵ

بۆچیمە خاک

ئەگەر

تێدا نەمبێت

تەنانەت

ماڵێک لە گڵ

نە گوێ ئەدەم

بە یادی

کوردایەتی و

خاکی بێ دڵ

لە شارێک

نرخ

هیمای

پارە بێ

توڵفی خۆشەویستی

ڕۆڵەیەکی بێ چارە بێ

مرۆف لە خاک ئاوارەبێ

لە شارێکە

بێ هیوا بێت

دێڕی شیعر

چیرۆک و فەرهەنگی  خاک

بە عانەیەک

ژن ئەڵقەیە

لە دەست مێردی

مێژکی پووچی پارەیە

لە شارەکەم

وورگی زل و

سمێل زڵ و

پەڕۆی ڕەنگدار

نیشانەی نەگبەتی و

پیاوەتی

ئەم شارەیە

لە شارەکەم

چیرۆک بێ بیر

هۆنراوەی پەرتوکی خەم

لە بەردەم نەبوونییە

ماڵی ئەکتەر

لە ژوری ئاودەست خانەیە

بەڵام کۆسپەکانی  رەنگ

هەر ملێک بە ڕەنگێکە

خۆی

هەڵواسی

لە شارەکەم

رێوی حاکم

گۆرک بەرپرسە

لە شارەکەم

دیمەن

کۆشک و مەنارەیە

هەژار بێ ژەم

دەولەمەندی

ڕێی پێچ و خوار

هەردەم بێ خەم

ئەڵێم بڕۆم

لە شاری ئاوارەی ژین

لە شاری سەربڕینی

ئاسکی ئەوین

هەژار هەژار

مەلا دەم چەور

گەنج بێ هیوا

دوا ڕۆژ نادیار

پارانەوە

لە شەقامە

بە دی ئەکەم

Comments

comments

Powered by Facebook Comments

About the Author

- چراتێڤێ.. پێگەیەکى هونەرى و رۆشنبیریى ئەلکترۆنی ئازادو سەربەخۆیە، رۆژانە لەپێناو پەرەپێدانى ئەم بزاوتە لەکوردەواریدا خۆى نوێدەکاتەوەو، با نووسەرانی کوردیش ڕەها بن لە هەربەربەست و سانسۆرێک کە ڕێگرن لە بەردەم تەقینەوەی بەهرەو داهێنانەکانیان.

Copyright © 2012 www.chra.tv