Published On: Fri, Jun 22nd, 2012

ئێواره‌یه‌ک له‌ ته‌نیشت ڕه‌نگی په‌مه‌یید

دڵنیام له‌نێو گوڵه‌ ڕه‌نگ په‌مه‌یه‌کان گوزه‌رده‌که‌یه‌وه‌

له‌ژێر لێزمه‌بارانێکی په‌مه‌یشداراده‌مووسێینه‌وه‌

بۆنی خۆشه‌ویستی په‌مه‌ییت ده‌که‌مه‌وه‌

ئه‌وه‌ منم نازده‌که‌م

له‌هه‌ڵاڵه‌یه‌کی په‌مه‌یدا ماڵێکم بۆچێ ده‌که‌ی

له‌سه‌ربرژانگه‌ په‌مه‌ییه‌کانی به‌ر خۆرت

وه‌ک کتێب په‌ڕپه‌ڕ هه‌ڵم ئه‌ده‌یته‌وه

په‌ڕپه‌ڕ ده‌وه‌رێم ،نامخوینیته‌وه‌

ئه‌وه‌ منم نازم به‌ دۆڵه‌کاندا غلۆر ده‌بێته‌وه‌

به‌تووله‌ڕێی هێرۆ په‌مه‌ییه‌کان یاده‌وه‌ریم ده‌ژاکێ

مندالیم نه‌رم نه‌رم له‌سه‌رئاوازێکی په‌مه‌یی

سه‌ما ده‌کا

ئه‌وه‌ منم خۆم ده‌نووسمه‌وه‌

له‌ژێر تیشکی مۆمێکی په‌مه‌یدا

چاوه‌کانت تیشکی خۆر ئاسام تێ ده‌گرن

ئومیدێک نام گرێته‌وه‌

لێوی ته‌ڕبووت ببینمه‌وه‌

ئه‌وه‌ منم نائومێدی ده‌م خواته‌وه‌

ڕێبوارێک

له‌ناو په‌مه‌ییدا به‌فری سه‌ری ده‌ڕنێته‌وه‌

چاوه‌کانی،نیگای په‌مه‌یی‌

له‌پی ده‌ستی ،نور

باوه‌شی ،بۆنی باران

ئه‌وه‌ منم

خه‌ونه‌کانم ده‌گێڕمه‌وه‌

ڕیبواریک

له‌ناو ئاسماندا

فرمێسکی هه‌وره‌کان ده‌سڕێته‌وه

لێوه‌کانی. ئاوی چاوه‌کانم

هه‌ناسه‌کانی، ئێواره‌یه‌کی نغرۆ بوو

ریبوارێک

سێبه‌ره‌کانی من و دووریه‌کانی ئه‌و بوو

ئه‌وه‌ منم  به‌ناوخۆمداشۆڕ ده‌بمه‌وه‌

ده‌چمه‌وه‌ ناو دارستانه‌کان

ته‌نیایم به‌ لقه‌شۆڕه‌وه‌بووه‌کان

ده‌سپیرم

پێیه‌کانم به‌ پیاسه‌

هه‌ناسه‌کانم به‌با

نیگام به‌ ئاسمان و

چاوه‌ڕوانیشم به‌ په‌مه‌یی بوون

فرمێسک مسته‌فا

ئه‌لمانیا

27/7/2007

Comments

comments

Powered by Facebook Comments

About the Author

Copyright © 2012 www.chra.tv