هۆنراوە
تامەزرۆ
- زياتر
-
20 ئایار 2018
- دواین نوێکردنەوە یەک شەممە, 20 ئایار 2018 09:59
- بڵاوكراوەتەوە لە یەک شەممە, 20 ئایار 2018 09:59
- نوسراوە لە لایەن ستار ئەحمەد
دەگریم بەسەر دارو بەردا
بەسەر وشەی دڵشكاوو
لاپەڕەی مات و بێگەردا
شەوەكانیان توند گرێدا
ساتەكانیان جوێ كردینەوە
ژوانگەیان
لەروومەتی هەنگاوەكان سڕییەوە
قوربانەكەی بێ قوربانم
خەویان لەناخم هەڵواسی
دابڕانیان
بەسنگی ژان و
نسارەكان پێ هەڵگرتم
عەشقیان لەلانك دەرهێنا
كۆرپەی دڵمیان
لەبەرۆكی تۆ دابڕی
وشەكانم
بەدووی ماڵاوایی و نامۆییتدا
چەندین هەڵبەستمیان سەربڕی
شەوانی بێ تۆو هۆنراوە
وەكوو دووریت
ژانگەی مردن و
ئەوینن
دەزانی مەلی حەوشەكەم
چەند تامەزرۆن تۆ ببینن
ستار ئەحمەد