CHRA.TV

Voorbeeld-HTML-pagina

ئامادەبووانى ئێستا 52 میوان

دیدارەکەی بەرێز دکتۆر نەجمەدین کەریم و کاك عارف قوربانی .. کەرکووك لە هەرێمێکدا.

ئاشتی گەرمیانی .. هۆڵەندا .. ٢٠١٦

من وا بۆی دەچم کاتێك کاك عارف قوربانی بابەتەکانی یان دیدەکانی دکتۆر نەجم الدین کەریم پارێزگاری کەرکووکی شی کردەوە و گەیشتە ئەوەی کە دکتۆر مەبەستێتی .. دکتۆر نەجمەدینیش هەستی بەوە کرد کە ئەوەی خۆی مەبەستێتی کاك عارف قوربانی زۆر بە زیاترەوە لێ ی ئاگایە .. ئەو دیدارەیان ساز کرد ، کە بەداخەوە لە کاتی خۆیدا سەرچاوەکەی هەر ئەم مەترسی یەبوو ئاوهای بەسەرهاتووە ، بۆیە پرسیارو وەڵامی ساردو گەرم ئەم بابەتەی هێنایە گفتوو گۆ کە خەڵک زۆر ڕوون کردنەوەو دیدەی تایبەتیان لەسەر داوە ، وە هەر یەکێك لە نیگایەکەوە باسی داهاتووی کەرکووك دەکەن ؟ ئایا کەرکووك لەسەر هەرێم بێت یان بەغدا ؟ ئایا سەربەخۆ بێت یان ( ئینتیقالی ) گواستنەوەیی ؟ ئایا دوو سێ حزب بەڕێوەی ببەن ،، یان بدێتە نەتەوە یەکگرتووەکان ؟ کێ ڕازی یە .. وە کێ ڕازی نی یە ؟ ئایا وولاتە زل هێزەکان .. کە بێ دەنگن .. ڕازین بەم ووتانە یان بیرۆکانە ؟
من لەو خاڵەوە دەست پی دەکەم کە کورد چەند خوێنی بۆ کەرکووك ڕشتووە لە ماوەی ١٠٠ ساڵی ڕابردوودا ؟ ئایا ئەو بڕایارانە حەزی کورد پڕ دەکەنەوە کە لە ڕابردوودا شۆڕشیان بۆ بەرپا کرد لەگەڵ دەسەڵاتدارانی عێراقی و هەزارەها خەڵکی بێتاوان و هەژارو کورد بوون بە قوربانی لەو مەیدانەدا ؟ خۆی لەڕاستیدا دەبێت جەنابی دکتۆر نەجم الدین و ئەنجوومەنی پارێزگاولایەنە سیاسی و حزبیەکان بە ڕاوێژکاری نوێنەری خەڵك و دانیشتوانی شارەکە و شارەازایانی وەکو کاك عارف قوربانی کۆبونەوەیەکی ڕاو بۆچوونی ساز بکرێت و توێژینەوەی لەسەر بکرێت ، ئەو هەلو مەرجانە هەموو باس بکرێن دوور لە حەزی لا بە لا کەئەمە بەڵاایەکی گەورەیە ، تا بتوانن ئەو دیدەیە ڕوون و ئاشکرا بێت بۆ پلانی داهاتووی کەرکووك کە کامەیان خزمەت بەو شارە دەکات ، وە ئەو ڕایە بسڕینەوە کە کێ دەبێتە ئەندازیاری پلان و پرۆژە کە کورد و خەڵکی کەرکووك باجەکەی خوێن و کوشتن و ئەنفال و لەناو بردن و زیندانە سیاسی یەکان بوون لە ڕابردوودا . بۆ نمونە ڕاپرسی یەکی شەفاف لە کەرکووك بکرێت بۆ بوون بە هەرێمێکی سەربەخۆ یان لەگەڵ هەرێمی کوردستان بن ، وە ئەگەر حزبەکان یەك ڕا نەبن هەرگیز ئەو ڕاو بۆچوونونە بەهیچ شیوەیەك ئەنجام نادرێت و دزەی دەست تێوە وەردان بەردەوام دەبێت ، تەعریب پلانێکی ڕژێمەکانی ڕابردوو وە ئێستاو داهاتووە ، وە کاریان تێدا کردوە و بەردوامیشە ، زۆر جار بەهەر ناوێکەوە بێت ئەم کارە ئەنجام دراوە ، ئیدی بەناوی فرۆشتنی پرۆژەکانەوە کە مەبەست لێ ی جموجوڵی ئابووری یە یان ئەو خانووانەی کە ئێستا کۆمپانیاکان دروستیان کردوە ، هەروەك لەهەرێم پیادەی دەکەن بە فرۆشتینی موڵک و ڤێلا بە عەرەب و بیانی کە ئەمەش تەعریبێکە ،، ئەو پرۆژەیەش لەکەرکووك لەکاردایە ، بۆیە ڕێگە لە تەعریب گرتن یەك دەنگی و یەك ڕیزی دەوێت لەگەڵ لایەنەکان ، ئەگەر نا ؟ ئێمە لە ١٠٠ ساڵی ڕابردوودا شەڕی کەرکووك بۆ کرا ؟ کوڕێ هەژاری کەرکووك بۆ درا بە کوشتن ، ئەو هەموو خوێنە بۆ ڕژا ؟
بۆچی دڵنیایی نادرێتە تورکمان و عەرەبەکان لە پۆست و ماف و مانەوەیان . بۆچی بڕیارەکانی پارێزگاو ئەنجومەن دوو دڵیان تێدایە واتە بڕیاری لا بە لان . نەك فەرمی و باوەڕپێکراو . ئایا ئێران و نەتەوەیەکگرتووەکان و ئەمەریکاو بەریتانیاو تورکیا چ کاریگەریەکیان لە دیدەو بڕیارەکانی بەرپرسانی کەرکووك و هەرێم هەیە ؟
من پێم وایە کە کەرکووك پێویستی بە جووڵەیەکی سیاسی و دیبلۆماسی چڕو پڕ هەیە لەگەڵ سەرۆکایەتی هەرێم و حزبە سیاسی یەکان و نەتەوەکان ولایەنەکان بۆ ئەوەی نەبێتە کوژراوی دەستی پلانە نیو دەوڵەتیەکان ، وە هەروەکو بەرێز قوربانی باسی لێوە کرد پرۆژەکانی نەتەوەیەکگرتوەکان و پشتگیریەکانی جیهانی کە بەرێز پارێزگایان داوە ئەو خەتەرناکەیە کە جارێکی تر کەرکووك دەکەوێتە کێشەیەکی گەورەترەوە ، هەر بۆیە کورد دەبێت کار لەسەر ئەوەبکات پێش لە تەعریب بکرێت بەهەموو جۆرەکانی یەوە .. وە کەرکووك هەروا بە ئاسانی نەبێتەوە شارێکی دابەش کراو لەنێوان هەموو لایەنەکان و لایەنی نێو دەوڵەتی بەڕێوەی ببات .. ئەوەشمان لەبیر نەچێت کە کورد بە خوێنی خۆی ئەم دەستکەوتنانەی بەدەستهێناوە تاوەکو ئێستا ، ئەوەتا پێشمەرگە رۆژانە خوێنی لەبەر دەڕوات وە پارێزگاری لە سنووری کوردستان دەکەن .