CHRA.TV

Voorbeeld-HTML-pagina

ئامادەبووانى ئێستا 58 میوان

گوزاره‌ی نه‌وه‌ی دووه‌می کورد له‌هه‌نده‌ران

وه‌ره‌ قوربان..

له‌وسه‌ری تا ئه‌وپه‌ڕی دنیا موزیک زمانی گشت نه‌ته‌وه‌کانه‌، ئاسانترین شێوازی لێک تیگه‌یشتنه چونکه‌ ناخ ده‌دوێنێ‌. زۆرجار له‌وشه‌ شیعریه‌کانی ناگه‌ی ئه‌وه‌ش پێناسه‌ی نه‌ته‌وه‌ و نیشتمانیه‌ به‌ڵام ڕتم و میلۆدی ئاوازه‌که‌ ئاوێزان دروست ده‌کا سه‌رمه‌ستانه‌ گوێی بۆ هه‌ڵده‌خرێ و له‌گه‌ڵیدا ده‌گۆترێته‌وه‌.

کیژۆڵه‌ چاوڕه‌شه‌که‌ یازده‌م نه‌ورۆزی له‌هه‌نده‌ران کردبۆوه‌ به‌حه‌لا حه‌لا کوردی ده‌دوا به‌ڵام گۆرانی وه‌ره‌ قوربانی حه‌سه‌ن زیره‌کی له‌به‌ربوو به‌ڕه‌وانی ده‌یگۆته‌وه‌ له‌گه‌ڵ شکانی سه‌روگێلاکی هه‌ندێ له‌وشه‌کان تام و چێژی تایبه‌تمه‌ندی خۆی دابوویێ که‌سیش لۆی ڕاست نه‌ده‌کرده‌وه‌! له‌وانه‌یه‌ ئاوازه‌که‌ هۆکاری سه‌ره‌کی بێت تا ئێستاش ڕوون نیه‌ ج هێزێکی سیحراوی له‌دوای هۆگری و ئاشنایه‌تیانه‌؟ له‌به‌رخۆیه‌وه‌ هه‌نده‌ی ده‌گۆته‌وه‌ کۆڕسی موزیکی منداڵانی گروپه‌ بیانیه‌که‌ش فێربوون و پێشکه‌ش به‌حه‌شاماتێکیان کرد هه‌موویان هێنانه‌ چه‌پڵه‌ی هاندان له‌سه‌ر شانۆ له‌گه‌ڵ پیانۆ ده‌یانچڕی: ڤه‌ره‌ کوربان ئارامی دلان شیتت کردم ڤه‌ره‌ کوربان، ئاکلت بردم هۆشت بردم سوتام سوتام ڤه‌ره‌ کوربان، له‌سۆڵۆ کیژه‌ کورده‌ی هه‌نده‌رانی ده‌چووه‌‌ پێش: به‌ژن و بالای جوانی، لۆ خۆم ده‌بمه‌ کوربانی، شێت و شه‌یدای کردووم، بۆچ به‌ده‌ردم نازانی... ده‌ی ئه‌نگۆش تێهه‌رکه‌ن له‌گه‌ریان: ڤه‌ره‌ کوربان ئارامی دلان .....

                                       

                                          ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.