Chra.tv - A Different Media - میدیای جیاواز

هونه‌رمه‌ند حه‌مه‌ جه‌زا له‌ نێو فڕۆکه‌ باری ته‌ندروستی تێکده‌چێت

تایبه‌ت به‌ چرا تیڤی : له‌ کاتی گه‌ڕانه‌وه‌ی له‌ فڕۆکه‌خانه‌ی هه‌ولێره‌وه‌ به‌ره‌و سوید به‌ ترانزێتی ڤیه‌ننا هونه‌رمه‌ندی ناوداری کورد حه‌مه‌ جه‌زا له‌ سه‌فه‌ری گه‌ڕانه‌وه‌ی له‌ 29.07.2010 له‌ نێو فڕۆکه‌ باری ته‌ندروستی تێک ده‌چێت و هانا بۆ دکتۆری نێو فڕۆکه‌ ده‌برێت. هونه‌رمه‌ند حه‌مه‌ جه‌زا تا ماوه‌یه‌کیش بێهۆش ده‌بێت. هیوای ته‌مه‌ندرێژی و چاکبوونه‌وه‌ بۆ خۆشه‌ویست حه‌مه‌ جه‌زا ده‌خوازین.

حەمکۆ ئەمین تایبەت بە (ماڵپەڕى چرا تیڤى) :بەر لەوەى هونەرمەندبم وەرزشەوان بووم

دیمانە:  دیــدار نانــەکەلى : گەورە هونەرمەندى جیهانى کۆمێدیاى کوردى (محەمەد ئەمین) کە بە حەمکۆ ناسراوە ،لە دیمانەیەکى تایبەتى لەگەڵ چرا تیڤى پەردە لەسەر چەندین وێستگە و قۆناغى شاراوەى ژیانى خۆى هەڵدەداتەوە و کەمێک لە تێنوویەتى هەوادارانى دوواى دابڕانى لە هونەر دەشکێنێت.
*بۆچى لە کارى هونەرى دابڕاون.ئەو هۆکارانە چین وات لێ دەکەن لە شاشە خۆت بشاریتەوە؟
حەمکۆ: هەرگیز لە هونەر دانابڕێم.من بە هونەرەوە لە دایک بووم. وەکو دەزانن  من ماوەى زیاتر لە شەش ساڵە لە ووڵاتى بەڕیتانیا دەژیم. هەناسەى هونەرى ئێستام زۆر فراوانترە لە جاران. بەڵام مەیدانەکە بۆمن کراوە نیە تا بە هەموو لایەک بسەلمێنم کۆمیدیا بڕبڕەى پشتى هونەرى نواندنە. گلەیى زۆرم هەیە،ئەوەندەى من لە خزمەتى شاشەى کوردى دابووم بڕوا ناکەم لەو سەردەمانە کەس زاتى ئەوەى کردبا زمانى گازاندەى بەهەر شێوەیەک جولاندبا بەرامبەر دەسەڵات.ماوەیەک لەگەڵ هاوکارم کاک کاروان حەیدەر بەرنامەیەکمان بە ناوى (هاى فایف) پێشکەش کرد.دوواى پێشوازیەکى گەرم لە لایەن بینەرانەوە. بەڵام نازانم بە چ هۆکارێک بەرنامەکەیان وەستاند.

سریل : هونه‌ر گه‌وره‌ترین هیوای ژیانم بووه‌

ئالان عومه‌ر / سوید : سریل وه‌ك خۆی وتی له‌ سلێمانی له‌ دایك بوه‌ نزیكه‌ی 19 ساڵ ده‌بێت له‌ ووڵاتی سوید نیشته‌ جێیه‌ ئه‌و خانمه‌ چۆن له‌ كلیپه‌كانیدا رۆڵی كه‌سێكی هێمن ده‌بینێت، بۆ ژیانی تایبه‌تیشی ده‌ڵێت " ئه‌گه‌ر باسی خۆم بكه‌م ئه‌وه‌ ده‌توانم بڵیم كه‌سێكی هێمن و له‌سه‌ر خۆم" ئه‌م  كچه‌ ده‌نگخۆشه‌ی كورد ماوه‌یه‌كی نزیكه‌ ده‌ستی به‌كاری هونه‌ری كردووه‌ بۆ خولیاكانیشی وه‌ك ئاماژه‌ی كرد ته‌واو عه‌شقی بواری هونه‌ره‌و به‌كاری دو‌هه‌می خۆی داده‌نێت به‌جۆرێك ژیانی خۆی رێكخستوه‌ كارنه‌كاته‌ سه‌ر هونه‌ره‌كه‌ی ئه‌و هه‌ر چه‌نده‌ له‌ مناڵییه‌وه‌ له‌ چالاكییه‌كانی قوتابخانه‌دا به‌شداربوه‌ به‌ڵام بواری بۆ نه‌ره‌خساوه‌ به‌شێوه‌ی جددی كاری هونه‌ر بكات هه‌تا له‌م ساڵانه‌ی دواتردا ده‌ستی به‌گۆرانی ووتن كردوه‌ و وتیشی كه‌" باروو دۆخی ژیانم بۆ نه‌ره‌خساوه‌ به‌شێوه‌ی جدی كاری هونه‌ر بكه‌م هونه‌ریش گه‌وره‌ترین هیوای ژیانم بوه".

مەرگی پەپوولەکان

پێشکەشە بە رووحی پاکی سێ پەپوولەکەى کۆلیژی دەرمانسازی (لاوەند ، علی، سیبور)
نەمئەزانی:
 بۆچى ئەمرۆ زەوى هێندە بێئارامەو ڕۆژی رووناکی هاوینمان بە تەمی ڕەش داپۆشراوە؟! ئەمرۆ ئاسمان، زەوی و زەمان زۆر گۆراوە! بۆچى خەندەو شادی دڵان وا تۆراوە؟؟
دە پێم بڵێن:
کێ هاوبەشی خەممان ئەبێت، دڵنەوایی ئەم ئاهەمان ئەداتەوە؟ چی بۆ مەرگی سەختی ئێوە ئارامبەخشی دڵەکانەو بۆ چرکەیەک ئۆقرە بەخشەو نارەحەتی ئەباتەوە؟
وەرنەوە گۆ پەپوولەکان، توخوا یەک جار وەڵام بدەن، پێمان بڵین کە بۆ هاتن؟ هەربۆ ئەوەى بە تەمەنى تاقە وەرزی پەپوولە ئاساتان لە ناو دڵی ئازیزانتان تاهەتایە ببنە کەسەر؟  یان بۆ ئەوەى جەرگی دایەو رۆحی بابە تا ئەو دنیا بە سۆ بێنن؟؟
بۆ کۆچتان کرد؟ هەر بۆ ئەوەى لەگەڵ خۆتان چی بزەو پێکەنینە لەم سەر زەمینە فراوانە گشتی ببەن؟ لە گەڵ کۆچى سەختی خۆتان شادی و خەندە لەم کۆلیژە بتۆرێنن؟
خۆتان بڵێن: حەزى کامتان ئەوەى ئەویست؟ خۆتان بفرن چەشنی پەپولەی بەهاران بەرەو میهرەبانى باڵ گرن، یاران هەموو بۆ گەرمی ووشکی ئەم هاوینەى سەر زەمینە جێ بهێلن...

لاوەند لاوی ئێمەت مراند، خۆژی ژیانمانت سووتاند..
سێبووری ئێمە کەوا چوو ئێستا کێ سەبووری خەمان بێت؟
کاکە علی چاوانی ئێمەت زۆر گریاند، شادیت لە دڵانمان تۆراند..
بۆ نازانن؟ هەتا ئێستاش ئازیزانتان هەر لە کۆلیژ چاوەروانن؟؟ دە وەرنەوە تەنها یەک جار بە رووی جوانى وەکو گوڵی گەشی بەیان لە دەرگای کۆلێژەکەمەوە دەرکەونەوەو خۆشی و شادی بگێرنەوە.. دڵنیا بن کە بێ ئێوە خۆشی لێرە ناژێتەوە، باش بزانن مەرگی پڕ حەسرەتى ئێوە لێرە شادی بەجارێک سریەوە..
ئیوە گەورەتر بوون لە ژیان بۆیە وا زوو بە جیتان هێشت، رووحى پاکتان گەورە تر لەم زەمینە بۆیە وا زوو بەرەو ئاسمان هەنگاوتان نا.
خۆزگە تەنها تاقە جارێک چاوە گەشەکانی ئێوە دەرکەوتایە.. تا ببینن کۆستی ئێوە چەندە گرانە لەسەر دڵان؟  تا ببینن چۆن ئەم ووڵاتە دەریاى فرمێسک دایپۆشیوە، چۆن گەڵاو گووڵی کۆلێژەکەتان پایز ئاسا رەنگی زەردیان هەڵگرتووە..
منێک وەک خۆم، لەم ڕۆژی پایزی ژیانەدا، لەم ئازاروو گریانەدا، دێمە دووان بێتان ئەڵیم بمان بەخشن. لە هەر رووگرژیەکی مرۆڤیکى پەست کە بە رووی گەشتاندا کرا بێت. بمان بوورن لە هەموو نارەحەتیەکی ئەم زەمانە کە دڵی گەورەی ئێوەی ئازار دابێت. لە هەر خەمێک کە لەم زەمینە نا پاکەدا تەنها چرکەیەک ئێوەى تووشی خەم کردبێت.. بمان بەخشن بمان بەخشن.
د.بیاد یحی
25-07-2010
ئەم پۆستە ئەلیکترۆنیە لەلایەن ئامێرئ سپامەوەیە. جاڤاسکریپت دەبێت چلاک بکەی بۆ بینینی, you need JavaScript enabled to view it

هێرش عەبدولرەحمان بۆ شەقام: پێوێستە کوردەکان تەواو شارەزای کاروبارى دەرەوەى ئەمەریکا بن و بەئاگا بن ..

شەقام: ساڵانى ڕابردوو پەیوەندى نێوان کوردو ئەمریکا ئەرێنى نەبووە، پێت وایە لەدواى 2003وە ئەم پەیوەندیانە ئیجابی بێت سەبارەت بەکورد؟
پەیوەندى ئەمەریکا لەگەڵ کورددا پەیوەندییەکى بەرژەوەندى ئامێزە تاوەک هەبونى ئامانجێکى هاوبەش یان هاوپەیمانێتییەکى دوسەرە لەنێوان هەردولادا. کورد هەرێمێکە لە عیراق نەک دەوڵەتێکی سەربەخۆ، هەموو هەڵسوکەوتێکی ئەمریکا لەگەڵ کورد بە پلەی یەکەم لە چوارچێوەی عیراقدایە،. کوردەکان ئێستا خاوەنى رۆڵێکى دیارترو گرنگترن لە گۆڕەپانى سیاسیی ئەمڕۆى عێراق و ناوچەکەدا، هەربۆیە پێویستە مەحاڵ بکەن و هەمو هەوڵێک بخەنەگەڕ بۆ ئەوەى جارێکى ترو چەشنى رابردو هەمو هێلکەکانیان لە سەبەتەى "هاوپەیمانەکانیان" نەشکێت و هەمو چانسێک لە کیس نەدەن، چونکە لەئێستادا لە خۆرهەڵاتى ناوەڕاست بە گشتى و لە عێراق بەتایبەتى کوردەکان وەکو یاریزانێکى بنچینەیی رۆڵ دەبینن، دەبێت ئەوەش بڵێین کە ئەوەى بۆ ئەمڕۆ شیاو و لەبارە مەرج نییە سبەینێ هەمان هاوکێشە بێت.

شیکردنەوەیەکی تایبەت؛ (مێسی) لە یانەی بەرشلۆنە چۆن ڕادەگیرێت؟

شیکردنەوە: مامەیارە ئەحمەد : ئێستا کات، کاتی یاریزانی ئەرژەنتینیی یانەی بەرشلۆنە (لیۆنێل مێسی)ـیە و بەردەوام باسی ئەو یاریزانە دەکرێت، ئاخر ناهەقی وەرزشوانان نییە کە پرسوباسی مێسی، دڵ و دەروونی داگیر کردوون، چونکە ئەو لە ماوەی کاتی دوایارییەکانی یانەی بەرشلۆنە، بە ئاستێکی زۆر باڵا دەرکەوت و جگە لە نماییشە هونەرییە بەرزەکانی، چەندان گۆڵی نرخداری بۆ یانەکەی تۆمار کرد، ئەوە هەم لە خولی نێوخۆی ئیسپانیا (لا لیگا)، هەمیش لە خولی پاڵەوانانی ئەورووپا (چامپیۆنس لیگ). ئێستا دەوترێت کە هیچ یاریزانێک ناتوانێت یاریزان مێسی ڕابگرێت، ڕاگرتن بەو واتەیەی لە نێو یاریگەدا بەرهەمی نەبێت، یان نماییشە هونەرییەکانی پێشەکەش نەکات.